ന്യൂഡൽഹി: ഈ വർഷത്തെ ആദ്യത്തെ മൻ കി ബാത് ഇന്ന്. 109-ാം പതിപ്പിനെ പ്രധാനമന്ത്രി ഇന്ന് അഭിസംബോധന ചെയ്യും. കഴിഞ്ഞ പതിപ്പിൽ ശാസ്ത്രം, മാനസികാരോഗ്യം, ആർട്ടിഫിഷ്യൽ ഇൻ്റലിജൻസ്, ഫിറ്റ്നസ് തടുങ്ങിയ മേഖലയിലെ വിവിധ കാര്യങ്ങളെ കുറിച്ച് അദ്ദേഹം സംസാരിച്ചിരുന്നു.
ചെസ്സ് ഇതിഹാസം വിശ്വനാഥൻ ആനന്ദ്, നടൻ അക്ഷയ് കുമാർ, ഇഷ ഫൗണ്ടേഷൻ സ്ഥാപകൻ സദ്ഗുരു, ഇന്ത്യൻ വനിതാ ക്രിക്കറ്റ് ക്യാപ്റ്റൻ ഹർമൻപ്രീത് കൗർ തുടങ്ങിയ പ്രമുഖർ ആരോഗ്യകാര്യത്തിലെ രഹസ്യങ്ങളും അവർ പങ്കുവച്ചിരുന്നു.
2014 ഒക്ടോബർ മൂന്നിനാണ് പ്രധാനമന്ത്രിയുടെ പ്രതിമാസ റോഡിയോ പ്രക്ഷേപണ പരിപാടിയായ മൻ കി ബാത് ആരംഭിച്ചത്. 22 ഇന്ത്യൻ ഭാഷകളിലും 29 ഭാഷകളിലുമാണ് മൻ കി ബാത് പ്രക്ഷേപണം ചെയ്യുന്നത്. ഫ്രഞ്ച്, ചൈനീസ്, ഇന്തോനേഷ്യൻ, ടിബറ്റൻ, ബർമീസ്, ബലൂചി, അറബിക്, പഷ്തു, പേർഷ്യൻ, ദാരി, സ്വാഹിലി തുടങ്ങി 11 വിദേശ ഭാഷകളിലും ഇത് പ്രക്ഷേപണം ചെയ്യുന്നു.