ശ്രീനഗർ: ജമ്മുകശ്മീർ ക്രിക്കറ്റ് താരത്തിന് സാമ്പത്തിക സഹായവുമായി അദാനി ഫൗണ്ടേഷൻ. ജമ്മു പാര ക്രിക്കറ്റ് ടീമിന്റെ ക്യാപ്റ്റൻ അമീർ ഹുസൈനിനെ തേടിയാണ് ഫൗണ്ടേഷന്റെ സഹായം എത്തിയത്. ചെറുപ്പത്തിലുണ്ടായ അപകടത്തിൽ ഇരുകൈകളും നഷ്ടപ്പെട്ടെങ്കിലും തന്റെ കായിക സ്വപ്നങ്ങൾ ഉപേക്ഷിക്കാൻ 34 കാരനായ അമീർ തയ്യാറായിരുന്നില്ല.
തങ്ങളുടെ കുടുംബത്തെ തേടി ഇത്തരമൊരു സഹായം എത്തുമെന്ന് കരുതിയിരുന്നില്ലെന്ന് അമീറും അമ്മയും പറഞ്ഞു. ഗൗതം അദാനിയോടും അദാനി ഫൗണ്ടേഷനോടും നന്ദിയുണ്ട്. സാറിനെ കാണണമെന്ന് ആഗ്രഹമുണ്ട്, അമീർ ദേശീയ മാദ്ധ്യമത്തിനോട് പറഞ്ഞു.
അമീറിന്റെ അതുല്യമായ യാത്രയ്ക്ക് സാധ്യമായ എല്ലാ പിന്തുണയും ഫൗണ്ടേഷൻ നൽകുമെന്ന് ഈ മാസം ആദ്യം അദാനി പറഞ്ഞിരുന്നു. പ്രതികൂല സാഹചര്യങ്ങളിലും തളരാത്ത അമീറിന്റെ മനോഭാവത്തെ അഭിനന്ദിച്ച് അദാനി ഗ്രൂപ്പ് രംഗത്ത് വന്നിരുന്നു. അനന്ത്നാഗ് സ്വദേശിയായ അമീർ ഗ്രാമത്തിലെ കുട്ടികൾക്കായി ക്രിക്കറ്റ് അക്കാദമി തുടങ്ങാനുളള തയ്യാറെടുപ്പിലാണ്
