ക്യാൻസറുമായി ബന്ധപ്പെട്ട് നിരവധി ഗവേഷണങ്ങൾ ഇന്നും നടന്നു വരികയാണ്. ഇത്തരത്തിൽ മെഡിക്കൽ വികസനത്തിന് പര്യാപ്തമായ തരത്തിലൊരു പഠനമാണ് ലോസ് ഏഞ്ചൽസിലെ ഗവേഷകർ പുറത്തുവിട്ടിരിക്കുന്നത്. സെഡാർസ്-സിനായ് മെഡിക്കൽ സെന്ററാണ് ഗവേഷണത്തിലൂടെ ഹാർട്ട്-ഓൺ-എ-ചിപ്പ് മോഡൽ അവതരിപ്പിച്ചിരിക്കുന്നത്.
ക്യാൻസർ ചികിത്സയുമായി ബന്ധപ്പെട്ട് നിരവധി അപകട സാധ്യതകളാണ് നിലവിലുള്ളത്. ഇതിൽ പ്രധാനമായും ഹൃദയ സംബന്ധമായ അപകടസാധ്യതകൾ ഏറെയാണ്. ക്യാൻസർ കോശങ്ങളെ ലക്ഷ്യം വച്ചുള്ള ഫലപ്രദമായ ചികിത്സാരീതികളിൽ ശ്രദ്ധകേന്ദ്രീകരിക്കുമ്പോൾ ഇത് മിക്കപ്പോഴും ഹൃദയത്തെ ദോഷമായി ബാധിക്കാറുണ്ടെന്ന് തിരിച്ചറിയാറില്ല.
ഹാർട്ട്-ഓൺ-എ-ചിപ്പ് മോഡൽ പ്രാബല്യത്തിൽ വരുന്നതോടെ മരുന്നുകൾ പരിശോധിക്കുന്നതിനാവശ്യമായ സംവിധാനം സജ്ജമാക്കുന്നു. ഇത് രോഗിയുടെ ആരോഗ്യനില പരിശോധിക്കുന്നതിന് സഹായകമാകുമെന്നാണ് വിലയിരുത്തൽ. മനുഷ്യ ശരീരത്തിലെ ഹൈപിഎസ്സിയിൽ നിന്നും ഹൃദയകോശങ്ങൾ വിശകലനം ചെയ്യും. കൂടാതെ മനുഷ്യരുടെ ഹൃദയമിടിപ്പ് അടയാളപ്പെടുത്താനും ഇതിലൂടെ സാധിക്കും. ഒരു മിനിറ്റിൽ 60 ബീറ്റുകൾ വരെ ഇത്തരത്തിൽ വിലയിരുത്താനാകും.