നടി രാകുൽ പ്രീത് സിംഗും ബോളിവുഡ് നടൻ ജാക്കി ഭാഗ്നാനിയുടെ വിവാഹം ഗോവയിൽ നടക്കും. 21ന് നടക്കുന്ന വിവാഹത്തിന്റെ സ്വീകരണ കാർഡുകൾ ഇതിനിടെ വൈറലായി. വിദേശത്ത് വലിയ ആഘോഷത്തിൽ നടത്താനിരുന്ന വിവാഹമാണ് ഗോവയിലേക്ക് മാറ്റിയത്. ബീച്ച് സൈഡ് വിവാഹമാണ് ഒരുക്കിയിരിക്കുന്നത്. എന്നാൽ താരങ്ങൾ ഒരു കാര്യവും ഇതുവരെ ഔദ്യോഗികമായി പ്രഖ്യാപിച്ചിട്ടില്ല. ഇരുവരും ആദ്യം മിഡിൽ ഈസ്റ്റിലാണ് വിവാഹം നടത്താൻ തീരുമാനിച്ചിരുന്നത്.
പ്രധാനമന്ത്രി നരേന്ദ്ര മോദിയുടെ ആഹ്വാനത്തെത്തുടർന്നാണ് ഇവർ വിവാഹം ഇന്ത്യയിലേക്ക് മാറ്റിയത്. വിനോദ സഞ്ചാരവും അവധിക്കാല ആഘോഷങ്ങൾക്കും ഇന്ത്യയിലെ സ്ഥലങ്ങൾക്ക് കൂടുതൽ പ്രോത്സാഹനം നൽകാൻ വേണ്ടിയായിരുന്നു പുതിയ തീരുമാനം.
2021 ഓക്ടോബറിലാണ് ഇരുവരും പ്രണയത്തിലാണെന്ന വിവരം ഔദ്യോഗികമായി സ്ഥിരീകരിച്ചത്. പിന്നാലെ നിരവധി ചിത്രങ്ങളും സോഷ്യൽ മീഡിയയിൽ ഇരുവരും പങ്കുവച്ചിരുന്നു. കമൽഹാൻ-ഷങ്കർ കൂട്ടുകെട്ടിലെത്തുന്ന ഇന്ത്യൻ 2വിലാണ് രാകുൽ ഇപ്പോൾ അഭിനയിക്കുന്നത്. 1996 ൽ പുറത്തിറങ്ങിയ ക്ലാസിക് ചിത്രത്തിന്റെ രണ്ടാം ഭാഗമാണ് വരുന്നത്. അതേസമയം ജാക്കിയുടേതായി ഇനി പുറത്തിറങ്ങാനുള്ളത് അക്ഷയ് കുമാറും ടൈഗർ ഷ്റോഫും പ്രധാന കഥാപാത്രങ്ങളാകുന്ന ബഡേ മിയാൻ ഛോട്ടേ മിയാൻ എന്ന ചിത്രമാണ്.
View this post on Instagram
“>
View this post on Instagram
