അനുപമ എന്ന ടെലിവിഷൻ പരമ്പരയിലൂടെ ജനപ്രിയനായ നടൻ ഋതുരാജ് സിംഗ് അന്തരിച്ചു. 59 വയസായിരുന്നു. ഹൃദയാഘാതത്തെ തുടർന്ന് സ്വകാര്യ ആശുപത്രിയിലായിരുന്നു അന്ത്യം. പാൻക്രിയാസ് സംബന്ധിയായ അസുഖത്തെ തുടർന്ന് കുറച്ചു നാളായി ചികിത്സയിലായിരുന്നു.ഇതിനാൽ അനുപമയുടെ പുതിയ എപ്പിസോഡുകളിൽ നിന്ന് താരം വിട്ടുനിൽക്കുകയായിരുന്നു. തിങ്കളാഴ്ച വൈകിട്ടാണ് താരത്തിന്റെ മരണം സ്ഥിരീകരിച്ചതെന്ന് സുഹൃത്ത് അമിത് ബെഹ്ൽ അറിയിച്ചു.
താരത്തിന്റെ വിയോഗത്തിന്റെ ഞെട്ടലിലാണ് ടെലിവിഷൻ ഇൻഡസ്ട്രി. മിനിസ്ക്രീൻ പരമ്പരകളിൽ മാത്രമായിരുന്നില്ല, സിനിമകളിലും വെബ് സീരിസുകളിലും താരം പ്രശസ്തനായിരുന്നു. അനുപമ എന്ന പരമ്പരയിലെ കർക്കശക്കാരനായ ഹോട്ടൽ ഉടമ യശ്പാൽ ആയാണ് താരം മിനിസ്ക്രീനിൽ നിറഞ്ഞു നിന്നത്. രൂപാലി ഗാംഗുലിയാണ് ടൈറ്റിൽ കഥാപാത്രം അനുമയെ അവതരിപ്പിച്ചത്. നടന്റെ വിയോഗത്തിൽ സഹപ്രവർത്തകരടക്കം നിരവധിപേഡർ ആദരാഞ്ജലികൾ അർപ്പിച്ചിട്ടുണ്ട്.
സിദ്ധ്യാർത്ഥ് മൽഹോത്രയും വിവേക് ഒബ്റോയിയും പ്രധാന കഥാപാത്രങ്ങളെ അവതരിപ്പിച്ച ഇന്ത്യൻ പോലീസ് ഫോർസ് എന്ന വെബ് സീരിസിലും അടുത്തിടെ അഭിനനയിച്ചിരുന്നു. ബദ്രിനാഥ് കെ ദുൽഹാനിയ എന്ന ചിത്രത്തിൽ വരുൺ ധവാന്റെ പിതാവായും വേഷമിട്ടിരുന്നു. യാരിയാൻ2,സത്യമേവ ജയതേ തുടങ്ങിയ ചിത്രങ്ങളിലും താരം അഭിനയിച്ചു.
