റിയാദ്: 2034-ലെ ഫിഫ ലോകകപ്പിന് ഒരുക്കം തുടങ്ങി സൗദി അറേബ്യ. കാൽപന്ത് മാമാങ്കത്തിന്റെ ഔദ്യോഗിക ലോഗോയും വെബ്സൈറ്റും പ്രകാശനം ചെയ്തതായി സൗദി ഫുട്ബാൾ ഫെഡറേഷൻ അറിയിച്ചു. ‘വളരുന്നു, ഞങ്ങൾ ഒരുമിച്ച്’ ലോകകപ്പ് ലോഗോയുടെ ആപ്തവാക്യം. saudi2034bid.com എന്നതാണ് ഔദ്യോഗിക വെബ്സൈറ്റ്. ഫുട്ബാൾ ലോകത്തിന്റെ വളർച്ചയും ഫുട്ബോളിൽ സൗദി കൈവരിച്ച പരിവർത്തനവും ധ്വനിപ്പിക്കുന്നതാണ് ലോഗോയെന്ന് സൗദി വ്യക്തമാക്കി.
ഓസ്ട്രേലിയ ലോകകപ്പ് ആതിഥേതത്വത്തിൽ നിന്ന് പിന്മാറിയതോടെയാണ് സൗദിക്ക് അവസരം വന്നത്. സൗദി മാത്രമാണ് ഓദ്യോഗിക അപേക്ഷ നൽകിയിട്ടുണ്ടായിരുന്നത്. ഏഷ്യ -ഓഷ്യനിയ രാജ്യങ്ങൾക്കാണ് ഫിഫ വേദി അനുവദിച്ചിരുന്നത്.
