ചരിത്രം തിരുത്തിയെഴുതപ്പെടും ; വീരപുരുഷന്റെ പോരാട്ടത്തിന്റെ കഥയുമായി ‘സ്വാതന്ത്ര്യ വീർ സവർക്കർ’ ; ട്രെയിലർ പുറത്ത്

രൺദീപ് ഹൂഡ നായകനാകുന്ന ‘സ്വാതന്ത്ര്യ വീർ സവർക്കർ’ എന്ന ചിത്രത്തിന്റെ ട്രെയിലർ പുറത്തുവിട്ടു . ഏറെ നാളായി ആരാധകർ ഈ ചിത്രത്തിനായി കാത്തിരിക്കുകയാണ് .ചിത്രത്തിന്റെ ടീസർ കഴിഞ്ഞ വർഷം പുറത്തിറങ്ങി. വിനായക് ദാമോദർ സവർക്കറുടെ വേഷത്തിൽ എത്തിയ ഹൂഡയെ പ്രേക്ഷകർ ഏറെ പ്രശംസിക്കുകയും ചെയ്തിരുന്നു . ‘

രൺദീപിന്റെ ഘനഗാംഭീര്യ ശബ്ദത്തോടെയാണ് ട്രെയിലർ ആരംഭിക്കുന്നത്. ഇതിന് ശേഷമാണ് അദ്ദേഹം സവർക്കറായി സ്‌ക്രീനിൽ എത്തുന്നത്. ട്രെയിലറിലെ ഡയലോഗുകളും അതിശക്തമാണ് . ട്രെയിലറിലെ താരത്തിന്റെ തകർപ്പൻ പ്രകടനം കണ്ടതോടെ ഈ ചിത്രത്തെക്കുറിച്ചുള്ള ആരാധകരുടെ ആകാംക്ഷ വർധിച്ചിരിക്കുകയാണ്. മൂന്ന് മിനിറ്റ് 21 സെക്കൻഡ് ദൈർഘ്യമുള്ള ഈ ട്രെയിലറിൽ അങ്കിത ലോഖണ്ഡേയെയും കാണാം . ചിത്രത്തിൽ വീർ സവർക്കറുടെ ഭാര്യയുടെ വേഷത്തിലാണ് അങ്കിത എത്തുന്നത്.

ട്രെയിലർ ഇറങ്ങിയതിന് പിന്നാലെ ആളുകളുടെ പ്രതികരണവും വന്നു കൊണ്ടിരിക്കുകയാണ്. “രൺദീപ് ഹൂഡയുടെ പ്രകടനം, പശ്ചാത്തല സംഗീതം, യമുനാബായിയായി അങ്കിത ലോഖണ്ഡേ… എല്ലാം തികഞ്ഞതാണ്.” “ഇതിന് ദേശീയ അവാർഡ് ലഭിക്കണം.” രൺദീപിന്റെ ഡയലോഗ് ഡെലിവറി കണ്ടപ്പോൾ ഞെട്ടിപ്പോയി.” – എന്നിങ്ങനെയാണ് കമന്റുകൾ.

മാർച്ച് 22 ന് ചിത്രം തിയേറ്ററുകളിൽ എത്തും .മഹേഷ് മഞ്ജ്‌രേക്കർ സംവിധാനം ചെയ്യുന്ന ചിത്രം നിർമ്മിക്കുന്നത് സന്ദീപ് സിംഗും ആനന്ദ് പണ്ഡിറ്റും ചേർന്നാണ്. മഹേഷ് മഞ്ജ്‌രേക്കറും റിഷി വിർമാനിയും ചേർന്നാണ് സ്വതന്ത്ര വീർ സവർക്കറിന് തിരക്കഥ ഒരുക്കുന്നത്.