ചെന്നൈ: പ്രമുഖ യൂട്യൂബ് ചാനലിനെതിരെ പോലീസിൽ പരാതി നൽകി നടൻ അരുൺ വിജയ്. തന്നെയും കുടുംബത്തെയും അപകീർത്തിപ്പെടുത്തുന്ന തരത്തിൽ യൂട്യൂബിൽ വീഡിയോ ചെയ്‌തെന്ന് ആരോപിച്ചാണ് നടൻ പോലീസിൽ പരാതി നൽകിയിരിക്കുന്നത്. ഇവർക്കെതിരെ കേസെടുക്കണമെന്ന് ആവശ്യവുമായാണ് അരുൺ വിജയ് സിറ്റി പോലീസ് കമ്മീഷണണുടെ ഓഫീസിനെ സമീപിച്ചത്.
തന്നെയും പിതാവും നടനുമായ വിജയകുമാറിനെയും മോശമായി ചിത്രീകരിക്കുന്ന തരത്തിലാണ് യൂട്യൂബ് ചാനലിലൂടെ വീഡിയോ പുറത്തുവിട്ടിരിക്കുന്നത്. പിതാവിന്റെ ആദ്യ ഭാര്യയെയും മോശമായി ചിത്രീകരിക്കുന്നുവെന്ന്് അരുൺ വിജയ് പരാതിയിൽ പറയുന്നു.
