ജയ്പൂർ: രാജ്യത്തിന്റെ സൈനിക ശക്തിയും പ്രതിരോധ മേഖലയിലെ ആത്മനിർഭരതയും വിളിച്ചോതിയ ‘ഭാരത് ശക്തി’ സൈനികാഭ്യാസത്തിന് സാക്ഷ്യം വഹിച്ച് പ്രധാനമന്ത്രി നരേന്ദ്രമോദി. രാജസ്ഥാനിലെ ജയ്സാൽമീറിലെ പൊഖ്റാൻ ഫീൽഡ് ഫയറിംഗ് റേഞ്ചിലാണ് സൈനിക ശക്തിയുടെ അഭ്യാസ പ്രകടനങ്ങൾ നടന്നത്. 30 രാജ്യങ്ങളിൽ നിന്നുള്ള പ്രതിനിധികൾ അഭ്യാസ പ്രകടനത്തിന് സാക്ഷ്യം വഹിച്ചു. പ്രധാനമന്ത്രിയോടൊപ്പം സംയുക്ത സൈനിക മേധാവി മനോജ് പാണ്ഡെയും പൊഖ്റാനിൽ എത്തിയിരുന്നു.
#WATCH | Rajasthan | Prime Minister Narendra Modi, along with delegates from more than 30 countries, witnesses exercise “Bharat Shakti” at the Pokhran field firing range in Jaisalmer. pic.twitter.com/33u8BewMQU
— ANI (@ANI) March 12, 2024
ഇന്ത്യൻ വ്യോമസേനയുടെ തദ്ദേശീയമായി വികസിപ്പിച്ചെടുത്ത ലൈറ്റ് കോംബാറ്റ് എയർക്രാഫ്റ്റ് തേജസ്, ലൈറ്റ് യൂട്ടിലിറ്റി ഹെലികോപ്റ്ററുകൾ, അഡ്വാൻസ്ഡ് ലൈറ്റ് ഹെലികോപ്റ്ററുകൾ എന്നിവ അഭ്യാസ പ്രകടനത്തിൽ വിന്യസിച്ചു. ഇത് വ്യോമയാന മേഖലയുടെ കരുത്തും മികവും വ്യക്തമാക്കി.
#WATCH | Rajasthan | Prime Minister Narendra Modi at the Pokhran field firing range in Jaisalmer. pic.twitter.com/dwaNantRmS
— ANI (@ANI) March 12, 2024
മൂന്ന് പ്രതിരോധ സേനകളുടെയും അഭ്യാസ പ്രകടനങ്ങൾ പൊഖ്റാനിൽ നടന്നു. ഇന്ത്യൻ നാവികസേനയുടെ ആന്റി ഷിപ് മിസൈലുകൾ,ചരക്ക് നീക്കത്തിന് ഉപയോഗിക്കുന്ന സൈനിക വിമാനങ്ങളും എന്നിവയും അഭ്യാസ പ്രകടനത്തിൽ ഉണ്ടായിരുന്നു.