വാരണാസി : മഹാശിവരാത്രി നാളിൽ ദേവാധിദേവനായ കാശി വിശ്വനാഥന്റെ സന്നിധിയിലെത്തിയത് 11 ലക്ഷത്തോളം ഭക്തർ . ഹെഡ് കൗണ്ടർ വഴിയാണ് ക്ഷേത്രത്തിൽ എത്തിയ ഭക്തരുടെ കണക്ക് എടുത്തത്. 2023-ലെ മഹാശിവരാത്രിയിൽ ഏകദേശം 8 ലക്ഷം ശിവഭക്തർ കാശിയിൽ ദർശനം നടത്തിയിരുന്നു . ഇത്തവണ ഇത് 11 ലക്ഷത്തിലേറെയായി. മഹാശിവരാത്രി ദിനത്തിൽ യോഗി സർക്കാർ ക്ഷേത്രപരിസരത്ത് വരുന്ന ഭക്തരിൽ നേരെ പുഷ്പവൃഷ്ടി നടത്താനുള്ള സജ്ജീകരണങ്ങളും ചെയ്തിരുന്നു . ക്ഷേത്രത്തിൽ സുഗമ ദർശനത്തിനുള്ള ക്രമീകരണവും ഏർപ്പെടുത്തി.
സോഷ്യൽ മീഡിയ ദർശനത്തിനുള്ള ക്രമീകരണവും ധാരാളം ആളുകൾ പ്രയോജനപ്പെടുത്തി. ശ്രീ കാശി വിശ്വനാഥ് ട്രസ്റ്റിന്റെ കണക്കുകൾ പ്രകാരം മാർച്ച് എട്ടിന് 17,93,202 പേർ ആദി വിശ്വേശ്വരനെ സന്ദർശിച്ചിട്ടുണ്ട് . ഇത്തവണ ആദ്യമായി സോഷ്യൽ മീഡിയയിൽ 36 മണിക്കൂർ തത്സമയ ദർശനത്തിനുള്ള ക്രമീകരണം ഏർപ്പെടുത്തിയിരുന്നു.
കാശിയിൽ എത്താൻ കഴിയാത്തവർക്കും ദർശനം ലഭ്യമാക്കുകയായിരുന്നു ലക്ഷ്യം. ശ്രീ കാശി വിശ്വനാഥ് ട്രസ്റ്റ് പുറത്തുവിട്ട കണക്കുകൾ പ്രകാരം സോഷ്യൽ മീഡിയയിൽ 6,37,278 പേർ ദേവാധിപതി മഹാദേവനെ ദർശിച്ചു. ഇത്തരത്തിൽ ഏകദേശം 18 ലക്ഷം പേർ മഹാദേവനെ ദർശിച്ചു. ഇതുകൂടാതെ നഗരത്തിൽ വാരണാസി സ്മാർട്ട് സിറ്റി സ്ഥാപിച്ച എൽഇഡി സ്ക്രീനുകളിലും ഭക്തർ ഭഗവാനെ ദർശിച്ചു. കാശി ഇടനാഴിയുടെ നിർമ്മാണം മുതൽ ക്ഷേത്രത്തിൽ എത്തുന്നവരുടെ എണ്ണം തുടർച്ചയായി വർധിച്ചുവരികയാണ്.
