ലണ്ടൻ: പ്രധാനമന്ത്രി നരേന്ദ്രമോദിക്കും ബിജെപിക്കും പിന്തുണ അറിയിച്ച് കാർ റാലി. ലണ്ടനിലാണ് കാർ റാലി സംഘടിപ്പിച്ചത്. 250 കാറുകളാണ് റാലിയിൽ പങ്കെടുക്കുന്നത്. വരാനിരിക്കുന്ന ലോക്സഭാ തിരഞ്ഞെടുപ്പിന് മുന്നോടിയായാണ് കാർ റാലി നടന്നത്. ‘ഓവർസീസ് ഫ്രണ്ട്സ് ഓഫ് ബിജെപി’ എന്ന സംഘടനയാണ് റാലി സംഘടിപ്പിച്ചത്.
തിരഞ്ഞെടുപ്പ് കമ്മീഷൻ ഇന്നലെ പ്രഖ്യാപനം നടത്തിയതിന് പിന്നാലെ ലണ്ടനിലെ ഓവർസീസ് ഫ്രണ്ട്സ് ഓഫ് ബിജെപി റാലി സംഘടിപ്പിക്കുകയായിരുന്നു. കുത്ത് ലെവ പടീദാർ സമാജ് കോംപ്ലക്സിൽ നിന്ന് ആരംഭിച്ച റാലി ബാപ്സ് സ്വാമിനാരായൺ ക്ഷേത്രത്തിൽ സമാപിച്ചു. ബ്രിട്ടണിലെ ഇന്ത്യൻ സമൂഹം ഭാരതത്തിന്റെ ദേശീയ പതാക വീശുകയും പ്രധാനമന്ത്രിക്കും ബിജെപിക്കും പിന്തുണ പ്രഖ്യാപിക്കുകയും ചെയ്തു.
യുകെ പാർലമെൻ്റ് അംഗവും പത്മശ്രീ ജേതാവുമായ ബോബ് ബ്ലാക്ക്മാൻ റാലിയിൽ പങ്കെടുക്കുകയും സമാപനത്തിന് പിന്നാലെ ബാപ്സ് സ്വാമിനാരായൺ ക്ഷേത്രത്തിൽ നടന്ന സമാപന ചടങ്ങിനെ അഭിസംബോധന ചെയ്ത് സംസാരിക്കുകയും ചെയ്തു.
