ഇന്ന് മാർച്ച് 24, ലോക ക്ഷയരോഗ ദിനം. രോഗാവസ്ഥയെയും ചികിത്സാ രീതികളെയും കുറിച്ച് ജനങ്ങൾക്ക് അവബോധം സൃഷ്ടിക്കുന്നതിനാണ് ലോക ക്ഷയരോഗ ദിനം ആചരിക്കാൻ തുടങ്ങിയത്. ബോധവത്കരണത്തിലൂടെ ക്ഷയരോഗം നിർമ്മാർജ്ജനം ചെയ്യുകയെന്നതായിരുന്നു ലക്ഷ്യം. ‘Yes! We can end TB’ (ക്ഷയരോഗത്തിന് അന്ത്യംകുറിക്കാം) എന്നതാണ് ഈ വർഷത്തെ പ്രമേയം.
മൈക്കോബാക്ടീരിയം ട്യൂബർകുലോസിസ് എന്ന ബാക്ടീരിയയാണ് ക്ഷയരോഗത്തിന് കാരണം. ഡോക്ടർ റോബോർട്ട് കോച്ച് ആണ് ഇത് ആദ്യമായി കണ്ടെത്തിയത്. വായുവിലൂടെയാണ് രോഗപകർച്ച എന്നതിനാൽ ഒരാളിൽ നിന്നും മറ്റൊരാളിലേക്ക് വേഗം പടർന്നുപിടിക്കുന്നു.
ആന്റിബയോട്ടിക്കുകളുടെ സഹായത്തോടെയാണ് ക്ഷയരോഗ ചികിത്സ നടത്തുന്നത്. പ്രമേഹരോഗികൾ, എച്ച്ഐവി ബാധിതർ, പോഷകാഹാര കുറവ് അനുഭവിക്കുന്നവർ, പുകയില ഉപയോഗിക്കുന്നവർ എന്നിവരിലേക്ക് ക്ഷയരോഗം പെട്ടെന്ന് പിടിപെടുന്നു. നീണ്ടുനിൽക്കുന്ന ചുമ, പനി, ശരീരഭാരം കുറയുക എന്നിവ ക്ഷയരോഗത്തിന്റെ ലക്ഷണങ്ങളാണ്.