തുടർതോൽവികൾക്ക് പിന്നാലെ മുംബൈ ഇന്ത്യൻസ് ആശ്വാസ ജയം കണ്ടെത്തിയത് ഡൽഹി ക്യാപിറ്റൽസിനെതിരെയാണ്. ഈ വിജയത്തിന് പിന്നാലെ വാർത്തകളിൽ നിറഞ്ഞിരിക്കുകയാണ് മുംബൈ നായകൻ ഹാർദിക് പാണ്ഡ്യ. ‘ഹരേ കൃഷ്ണ’ ഗാനം പാടുന്ന ഹാർദിക്കിന്റെയും സഹോദരൻ ക്രുണാൽ പാണ്ഡ്യയുടെയും വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. കുടുംബത്തിനൊപ്പം പാട്ടുപാടി ചുവടുവയ്ക്കുന്ന ഇരുവരുടെയും വീഡിയോയാണ് ആരാധകരുടെ ശ്രദ്ധയാകർഷിക്കുന്നത്. ലക്നൗ സൂപ്പർ ജയന്റ്സിന്റെ താരമാണ് ക്രുണാൽ.
Hardik & Krunal Pandya singing Hare Krishna song. ⭐ pic.twitter.com/urCAsmp8bi
— Mufaddal Vohra (@mufaddal_vohra) April 9, 2024
“>
ഡൽഹിക്കെതിരായ മത്സരത്തിന് മുമ്പ് പാണ്ഡ്യ ഗുജറാത്തിലെ സോംനാഥ ക്ഷേത്രത്തിൽ ദർശനം നടത്തിയിരുന്നു. ക്ഷേത്രത്തിൽ പൂജ ചെയ്യുന്നതിന്റെയും പ്രാർത്ഥനകൾ നടത്തുന്നതിന്റെയും ദൃശ്യങ്ങളായിരുന്നു പുറത്തുവന്നത്.
രോഹിത്തിനെ മാറ്റി മുംബൈ ഇന്ത്യൻസിന്റെ നായകനായി ഹാർദിക് എത്തിയത് മുതൽ വലിയ ആരാധക രോക്ഷം ഉടലെടുത്തിരുന്നു. സീസണിലെ മുംബൈയുടെ ആദ്യ മത്സരം മുതൽ കൂവലുകളോടെയാണ് ആരാധകർ പാണ്ഡ്യയെ സ്വീകരിച്ചത്.
