മുംബൈ: അസോസിയേഷൻ അംഗങ്ങൾക്കായി വിഷുക്കണി ഒരുക്കി താനെ വൃന്ദാവൻ കൈരളി കൾച്ചറൽ അസോസിയേഷൻ. എല്ലാവർഷത്തെപ്പോലെ ഈ വർഷവും അംഗങ്ങൾക്കായി ഗംഭീര വിഷുക്കണിയായിരുന്നു ഒരുക്കിയത്.
വിഷു ദിവസത്തിൽ വൃന്ദാവനിലെ ഓഫീസിൽ ഒരുക്കിയ വിഷുക്കണി ദർശനത്തിൽ പങ്കെടുക്കുവാനായി നിരവധി പേരാണ് രാവിലെ തന്നെ എത്തിച്ചേർന്നത്. എല്ലാവർക്കും വിഷുക്കൈനീട്ടവും പായസവും നൽകിയാണ് ഭാരവാഹികൾ വിഷു ആഘോഷിച്ചത്.
കഴിഞ്ഞ 30 വർഷമായി കൈരളി കൾച്ചറൽ അസോസിയേഷൻ വിഷു ആഘോഷിക്കാറുണ്ട്. എല്ലാ വർഷവും പായസ വിതരണവും നടത്താറുണ്ടെന്നും അസോസിയേഷൻ ഭാരവാഹികൾ പറഞ്ഞു.