പണ്ട് കാലം മുതൽ മുടി സംരക്ഷണത്തിൽ ഉപയോഗിച്ച് വരുന്നതാണ് കറിവേപ്പില എണ്ണ. മുടിയിലെ പ്രശ്നങ്ങൾ പരിഹരിക്കുന്നതിനുള്ള പ്രകൃതിദത്തമായ മാർഗമാണ് കറിവേപ്പില എണ്ണ. കേശ സംരക്ഷണത്തിൽ കറിവേപ്പില എണ്ണ ഉപയോഗിക്കുന്നത് കൊണ്ടുള്ള ഗുണങ്ങളറിയാം.
- കറിവേപ്പിലയിൽ അടങ്ങിയിട്ടുള്ള ആന്റി ഓക്സിഡന്റുകൾ മുടി കൊഴിയുന്നതിനെ തടയുന്നു. വെളിച്ചെണ്ണ മുടി വേരുകളെ പോഷിപ്പിക്കുകയും ശക്തിപ്പെടുകയും ചെയ്യുന്നു.
- കറിവേപ്പിലയിൽ അടങ്ങിയിരിക്കുന്ന ആവശ്യ പോഷകങ്ങൾക്ക് ശിരോചർമ്മത്തിലെ തലമുടിയെ പുനരുജ്ജീവിപ്പിക്കാൻ സാധിക്കുന്നു.
- കറിവേപ്പില എണ്ണ ഉപയോഗിച്ച് തല മസാജ് ചെയ്യുന്നത് രക്തചംക്രമണം വർദ്ധിപ്പിക്കും. പുതിയ കോശങ്ങൾ വളരാൻ ഇത് സഹായിക്കും.
- അകാലനരയെ ചെറുക്കാനും കറിവേപ്പില എണ്ണ സഹായിക്കും. വിറ്റാമിൻ ബി സമ്പന്നമാണ് കറിവേപ്പില.
- താരൻ പ്രശ്നങ്ങളും ഇല്ലാതാക്കാൻ കറിവേപ്പില എണ്ണ സഹായിക്കും. ആന്റി-ഫംഗൽ ഗുണങ്ങളാണ് ഇതിന് സഹായിക്കുന്നത്.
കറിവേപ്പില എണ്ണ തയ്യാറാക്കാൻ..
ആദ്യം കറിവേപ്പില വെള്ളത്തിലിട്ട് വൃത്തിയാക്കി ഈർപ്പം ഇല്ലാതെ ഉണക്കിയെടുക്കുക. വെയിലത്ത് വച്ച് ഉണക്കാവുന്നതാണ്. ശേഷം ചട്ടിയിൽ ഒരു കപ്പ് വെളിച്ചെണ്ണ ചെറിയ രീതിയിൽ ചൂടാക്കുക. എണ്ണ ചൂടാകുന്നതോടെ കറിവേപ്പില ചേർക്കുക, ഉടൻ തന്നെ തീ ഓഫാക്കുക. എണ്ണ തണുത്ത ശേഷം ഉപയോഗിക്കാവുന്നതാണ്.
മാസങ്ങളോളം ഈ എണ്ണ കേടുകൂടാതെ സൂക്ഷിക്കാവുന്നതാണ്. എന്നാൽ ഇലകൾ പൂർണമായും എണ്ണയിൽ മുങ്ങി കിടക്കുന്നുണ്ടെന്ന് ഉറപ്പ് വരുത്തുക.
