ഓർമ്മകൾ മസ്തിഷ്കത്തെ പ്രതികൂലമായി ബാധിക്കുന്നുവെന്ന ഞെട്ടിക്കുന്ന പഠന റിപ്പോർട്ട് പുറത്ത്. നേച്ചർ ജേണലിലാണ് ഇക്കാര്യം പറയുന്നത്. ഓർമ്മകളെ ന്യൂറോണുകളുമായി സംയോജിപ്പിച്ചാണ് മസ്തിഷ്കത്തിൽ സംഭരിക്കുന്നത്. ഓരോ ഓർമ്മയും തലച്ചോറിൽ വീക്കം ഉണ്ടാക്കുകയും നാഡീകോശങ്ങളിലെ ഡിഎൻഎകളെ തകാരാറിലാക്കുകയും ചെയ്യുന്നു.
ന്യൂറോണുകൾക്കിടയിൽ കണക്ഷനുകൾ രൂപപ്പെടുകയും ശക്തിപ്പെടുകയുമാണ് ഓർമ്മ രൂപീകരണ പ്രക്രിയയിൽ നടക്കുന്നത്. ഇതാണ് വിവരങ്ങൾ സംഭരിക്കാനും വീണ്ടെടുക്കാനും അനുവദിക്കുന്നത്. ഈ പ്രക്രിയയിൽ ഉൾപ്പെടുന്ന മസ്തിഷ്ക കോശങ്ങളെയും ഇത് പ്രതികൂലമായി ബാധിക്കുന്നു. ദീർഘകാലത്തേക്ക് ഓർത്തുവയ്ക്കുന്ന പ്രവർത്തനം മസ്തിഷ്ക വീക്കത്തിനും നാഡീകോശങ്ങളിലെ ഡിഎൻഎ തകരാറിനും കാരണമാകുമെന്നാണ് ഏറ്റവും പുതിയ ഗവേഷണം പറയുന്നത്.
എലികളിൽ നടത്തിയ പഠനത്തിലാണ് ഇക്കാര്യം കണ്ടെത്തിയത്. മനുഷ്യന്റെ ഓർമ്മകളുടെ സംഭരണകേന്ദ്രമായ ഹിപ്പോകാമ്പസിനുള്ളിനുള്ളിലാണ് ഓർമ്മകൾ രൂപപ്പെടുന്നതെന്ന് ഗവേഷകർ കണ്ടെത്തി. മസ്തിഷ്ക ന്യൂറോണുകളിൽ വീക്കം സംഭവിക്കുന്നത് അൽഷിമേഴ്സ്, പാർക്കിൻസൺസ് പോലുള്ള നാഡീസംബന്ധമായ പ്രശ്നങ്ങൾക്ക് കാരണമാകും. എന്നാൽ ഹിപ്പോകാമ്പൽ മേഖലയിലെ ചില ന്യൂറോണുകളുടെ വീക്കം ദീർഘകാല ഓർമ്മകൾ ഉണ്ടാക്കാൻ ആവശ്യമാണെന്നും പഠനത്തിൽ കണ്ടെത്തി.
