സിക്സറുകളും ബൗണ്ടറികളും തലങ്ങും വിലങ്ങും പറന്ന അരുൺ ജയറ്റ്ലി സ്റ്റേഡിയത്തിൽ മുംബൈ താരം ടിം ഡേവിഡിന്റെ സിക്സിൽ ഡൽഹി ആരാധകന് പരിക്ക്. ഖലീൽ അഹമ്മദ് എറിഞ്ഞ 14-ാം ഓവറിലായിരുന്നു സംഭവം. ഗാലറിയിലേക്ക് പറത്തിയ പന്ത് ആരാധകൻ കൈയ്യിലൊതുക്കാൻ ശ്രമിക്കുന്നതിനിടെ മുഖത്ത് പതിക്കുകയായിരുന്നു. മുഖത്ത് സാരമായി പരിക്കേറ്റ ഇയാളെ സുരക്ഷാ ജീവനക്കാർ ചേർന്ന് പുറത്തെത്തിച്ചു. പന്ത് പിടിക്കുന്നതിനിടെ പരിക്കേറ്റ ആരാധകൻ വേഗത്തിൽ സുഖം പ്രാപിക്കട്ടെയെന്ന് ആശംസിച്ച് ഡൽഹി ക്യാപിറ്റൽസും മുൻ ഇന്ത്യൻ താരം ഇർഫാൻ പത്താനും എക്സിൽ പോസ്റ്റ് പങ്കുവച്ചു.
A fan got injured due to Tim David’s six. pic.twitter.com/8ninRhDmAG
— RoKo(Rohit &kohli)fav. (@Dk__0024) April 27, 2024
“>
താരങ്ങളുടെ കൂറ്റൻ ഷോട്ടുകൾ ഗാലറിയിലേക്ക് എത്തുന്നത് പുതുമയല്ല. ചിലപ്പോഴൊക്കെ ഇത് അപകടം വരുത്തിവെയ്ക്കാറുമുണ്ട്. ഇവിടെയും കളിയുടെ ആവേശത്തിൽ പന്ത് കൈയ്യിലൊതുക്കാൻ ശ്രമിച്ചതാണ് വിനയായത്. രിക്കേറ്റ ആരാധകൻ വേഗത്തിൽ സുഖം പ്രാപിക്കട്ടെയെന്ന് മുൻ ഇന്ത്യൻ താരം കൂടിയായ ഇർഫാൻ പത്താനും എക്സിൽ കുറിച്ചു.
മുംബൈ ഇന്ത്യൻസിനെ 10 റൺസിനാണ് ഡൽഹി ക്യാപിറ്റൽസ് തോൽപ്പിച്ചത്. ടോസ് നഷ്ടപ്പെട്ട് ബാറ്റിംഗിനെത്തിയ ഡൽഹി നിശ്ചിത ഓവറിൽ നാല് വിക്കറ്റ് നഷ്ടത്തിൽ 254 റൺസാണ് നേടിയത്. 27 പന്തിൽ 84 റൺസ് നേടിയ ജേക്ക് ഫ്രേസർ-മക്ഗുർക്കാണ് ഡൽഹിയെ കൂറ്റൻ സ്കോറിലേക്ക് നയിച്ചത്. മറുപടി ബാറ്റിംഗിൽ മുംബൈയ്ക്ക് ഒമ്പത് വിക്കറ്റ് നഷ്ടത്തിൽ 247 റൺസെടുക്കാനേ സാധിച്ചുളളൂ.
മുംബൈ ആറാമതും തോൽവി വഴങ്ങിയതോടെ പോയിന്റ് പട്ടികയിൽ ഒമ്പതാമതെത്തി. ചെന്നൈയെയും പിന്തള്ളി ഡൽഹി പോയിന്റ് ടേബിളിൽ അഞ്ചാമതാണ്. മുംബൈയുടെ പ്ലേ ഓഫ് സാധ്യതകളും ഇതോടെ അസ്തമിച്ചു.
