ന്യൂഡൽഹി: ട്വന്റി 20 ലോകകപ്പിന് പാക് ഭീകരാക്രമണ ഭീഷണി. വെസ്റ്റ് ഇൻഡീസിൽ നടക്കാനിരിക്കുന്ന മത്സരങ്ങൾക്കാണ് ഭീഷണി. ഇത് സംബന്ധിച്ച് ജനങ്ങൾ ജാഗ്രത പാലിക്കണമെന്ന് ഭരണകൂടം നിർദേശം നൽകിയിട്ടുണ്ട്.
വെസ്റ്റ് ഇൻഡീസ് ക്രിക്കറ്റ് ബോർ‍ഡ് വിവരം സ്ഥിരീകരിച്ചു. പാകിസ്താനിലെ ദക്ഷിണമേഖലയിൽ നിന്നാണ് സന്ദേശമെത്തിയത്. നിർണായകമായ പല മത്സരങ്ങളും വെസ്റ്റ് ഇൻ‍ഡീസിലാണ് നടക്കാനിരിക്കുന്നത്. സന്ദേശമെത്തിയതിന് പിന്നാലെ വലിയ സുരക്ഷാ സജ്ജീകരണങ്ങൾ ഏർപ്പെടുത്തിയിട്ടുണ്ട്.
ക്രിക്കറ്റ് ലോകത്തിന് തന്നെ വലിയ ആശങ്കയുണ്ടാക്കുകയാണ് ഈ ഭീഷണി സന്ദേശം. അമേരിക്കയിലും വെസ്റ്റ് ഇൻഡീസിലുമായാണ് മത്സരങ്ങൾ നടക്കുന്നത്. ജൂൺ ഒന്ന് മുതൽ 29 വരെയാണ് മത്സരങ്ങൾ ക്രമീകരിച്ചിരിക്കുന്നത്.
