ഹൈദരബാദ്: ആന്ധ്രയിൽ വോട്ട് ചെയ്യാൻ ക്യൂ നിന്ന യുവാവിന് വൈഎസ്ആർ കോൺഗ്രസ് എംഎൽഎയുടെ മർദനം. ഗുണ്ടൂർ ജില്ലയിലെ ഒരു പോളിംഗ് ബൂത്തിലാണ് സംഭവം. തെനാലിയിലെ എംഎൽഎ എ ശിവകുമാറാണ് വോട്ടറുടെ മുഖത്തടിച്ചത്. ക്യൂ തെറ്റിച്ച് വോട്ട് ചെയ്യാനുള്ള എംഎഎയുടെ ശ്രമത്തെ യുവാവ് ചോദ്യം ചെയ്തതാണ് എംഎൽഎയെ പ്രകോപിച്ചത്.
മർദ്ദനത്തിന്റെ വീഡിയോ സമൂഹ മാദ്ധ്യമങ്ങളിൽ വൈറലായി. ശിവകുമാർ വോട്ടറുടെ അടുത്തേക്ക് വരുന്നതും മുഖത്ത് ആഞ്ഞടിക്കുന്നതും ദൃശ്യങ്ങളിൽ വ്യക്തമാണ്. അടിയേറ്റ വോട്ടർ തിരിച്ചടിക്കാൻ ശ്രമിച്ചപ്പോൾ എംഎൽഎയുടെ സഹായികൾ ചേർന്ന് കൂട്ടം ചേർന്ന് ആക്രമിക്കുകയായിരുന്നു. ക്യൂവിലുണ്ടായിരുന്ന മറ്റ് വോട്ടർമാർ തടയാൻ ശ്രമിക്കുന്നതും പത്ത് സെക്കൻഡ് നീണ്ടു നിൽക്കുന്ന വീഡിയോയിൽ കാണാം.
വോട്ടറെ കൈയേറ്റം ചെയ്ത എംഎൽഎയുടെ നടപടിയെ ചോദ്യം ചെയ്ത് ടിഡിപി രംഗത്തെത്തി. തോൽവി ഉറപ്പാക്കിയ ഭരണകക്ഷിയുടെ നിരാശയായാണ് ഇതിനെ കാണുന്നതെന്നത് ടിഡിപി വക്താവ് ജ്യോത്സ്ന തിരുനാഗി പറഞ്ഞു. ജനങ്ങൾ ഇനി ഇത്തരം പരിഹാസ്യമായ നടപടികൾ പൊറുക്കില്ല എന്നാണ് വോട്ടറുടെ തിരിച്ചടി കാണിക്കുന്നതെന്നും അവർ പറഞ്ഞു.”
Voter who objected to #Guntur District #TenaliMLA #Sivakumar jumping queue, was slapped by him & voter returned in kind; ugly show of political musclepower as the @ysrcp MLA candidate’s henchmen joined attack on voter #BoothViolence #ElectionsWithNDTV #AndhraPradeshElections2024 pic.twitter.com/Z5wK0enrWK
— Uma Sudhir (@umasudhir) May 13, 2024
ആന്ധ്രാപ്രദേശിലെ 25 ലോക്സഭാ സീറ്റുകളിലേക്കും 175 നിയമസഭാ സീറ്റുകളിലേക്കുമുള്ള വോട്ടെടുപ്പ് പുരോഗമിക്കുകയാണ്. ബിജെപിയുടെയും എൻ ചന്ദ്രബാബു നായിഡുവിന്റെ നേതൃത്വത്തിലുള്ള സഖ്യമാണ് ജഗൻ മോഹൻ റെഡ്ഡിയുടെ വൈഎസ്ആറിനെ നേരിടുന്നത്.
