മുംബൈയിൽ വീശിയടിച്ച പൊടിക്കാറ്റിൽ കൂറ്റൻ പരസ്യ ബോർഡ് നിലംപാെത്തി 37 പേർക്ക് പരിക്കേറ്റു. ഇരുമ്പിന്റെ ബോർഡാണ് ബിപിസിഎൽ പെട്രോൾ പമ്പിലേക്ക് തകർന്നു വീണത്. നിരവധിപേർ കുടുങ്ങി കിടക്കുന്നതായും വിവരമുണ്ട്. ഘാട്കോപാറിലെ അദാനി പദ്ധതി പ്രദേശത്തിന് എതിർവശത്തുള്ള പന്ത് നഗറിലാണ് അപകടമുണ്ടായത്. പമ്പിലെത്തിയവരും ജീവനക്കാരുമാണ് അപകടത്തിൽപ്പെട്ടത്. പമ്പ് പൂർണമായി തകർന്നിട്ടുണ്ട്. 60പേർ കുടുങ്ങി കിടക്കുന്നുണ്ടെന്ന് മുംബൈ പാെലീസ് വ്യക്തമാക്കി. അതേസമയം മൂന്നുപേർ മരിച്ചെന്നും റിപ്പോർട്ടുകൾ
30 മുതൽ 40 വരെ ആൾക്കാരെ രാജവാഡി ആശുപത്രിയിൽ പ്രവേശിപ്പിച്ചിട്ടുണ്ടെന്നാണ് വിവരം. ഇന്ന് വൈകിട്ട് 4.30നാണ് സംഭവമുണ്ടായത്. ഇതിന്റെ വീഡിയോ സമൂഹമാദ്ധ്യമങ്ങളിൽ പ്രചരിച്ചു. പൊലീസും ഫയർഫോഴ്സും പ്രദേശത്ത് രക്ഷാപ്രവർത്തനത്തിലാണ്. ആശുപത്രി അധികൃതർ പരിക്കേറ്റ 20പേരെ തിരിച്ചറിഞ്ഞിട്ടുണ്ട്. അതേസമയം മുംബൈയിലെ വിവിധ പ്രദേശങ്ങളിൽ പൊടിക്കാറ്റിനെ തുടർന്ന് നിരവധി അപകടങ്ങൾ റിപ്പോർട്ട് ചെയ്തിട്ടുണ്ട്.
A massive billboard crashed on a petrol station amid a dust storm in Mumbai’s Ghatkopar today. Seven people were injured.
🔗 https://t.co/L0p5t5wMRC pic.twitter.com/UrhnRnUX4S
— NDTV (@ndtv) May 13, 2024
താനയിലും പാൽഘറിലും വരും മണിക്കൂറിൽ കൊടുങ്കാറ്റിനും മിന്നലോടുകൂടിയ ശക്തമായ മഴയ്ക്കും സാദ്ധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. പരസ്യ ബോർഡ് തകർന്നത് മുംബൈ മെട്രോയുടെ സർവീസിനെയും ബാധിച്ചിട്ടുണ്ട്. പൊടിക്കാറ്റ് ശക്തമായതോടെ ചിലയിടങ്ങിൽ മരം വൈദ്യുതി ലൈനുകളിൽ വീണ് വൈദ്യുതി വിതരണം തടസപ്പെട്ടിട്ടുണ്ട്.
रामबाई घाटकोपर में गिरी होर्डिंग #MumbaiRains #Ramabainagar #Hoarding #storm pic.twitter.com/COpeEwVUMt
— Priya Pandey (@priyapandey1999) May 13, 2024
“>
