ചർച്ചയായി ‘ഡൗറി കാൽക്കുലേറ്റർ’. ഇന്ത്യയിലെ ഏറ്റവും വലിയ വൈവാഹിക വെബ്സൈറ്റായ ഷാദി ഡോട്ട് കോമിലാണ് ഡൗറി കാൽക്കുലേറ്ററുള്ളത്. അനുപം മിത്തലിന്റെ നേതൃത്വത്തിലുള്ള ഷാദി ഡോട്ട് കോം അടുത്ത കാലത്താണ് പുതിയ ഫീച്ചറായി ഇത് അവതരിപ്പിച്ചത്. പുതിയ ഫീച്ചർ സമൂഹ മാദ്ധ്യമങ്ങളിൽ ചൂടൻ ചർച്ചകൾക്കാണ് വഴിവെച്ചിരിക്കുന്നത്.
നിങ്ങളുടെ ‘സ്ത്രീധന തുക കണക്കാക്കുക ചോദ്യത്തോടെയാണ് ഡൗറി കാൽക്കുലേറ്റർ ഉപയോക്തക്കളെ വരവേൽക്കുന്നത്. ‘ ബട്ടണിൽ ക്ലിക്ക് ചെയ്തുകഴിഞ്ഞാൽ പിന്നെ നിങ്ങളുടെ പ്രായം, പേര്, പ്രതിമാസ ശമ്പളം മുതലായവ പോലുള്ള അടിസ്ഥാന വിവരങ്ങൾ ആവശ്യപ്പെടും. എന്നാൽ അടുത്ത നിമിഷമാണ് യഥാർത്ഥ ട്വിസ്റ്റ്. 2001 മുതൽ 2012 വരെയുള്ള കാലഘട്ടത്തിൽ ഇന്ത്യയിൽ സ്ത്രീധനവുമായി ബന്ധപ്പെട്ട് 91,202 മരണങ്ങൾ റിപ്പോർട്ട് ചെയ്തിട്ടുണ്ടെന്ന പേജ് ഉപയോക്താവിന് മുന്നിലെത്തും. സ്ത്രീധനം ഇല്ലാത്ത രാജ്യമാക്കി നമുക്ക് ഇന്ത്യയെ മാറ്റാമെന്ന സന്ദേശവും അതിനൊപ്പമുണ്ട്.
ഡൗറി കാൽക്കുലേറ്റർ വൈറലായതിന് പിന്നാലെ നിരവധി പേരാണ് അഭിപ്രായവുമായി എത്തിയത്. ആദ്യം കണ്ടപ്പോൾ ഞെട്ടലുണ്ടായെങ്കിലും ഇപ്പോൾ ഒരു അവാർഡ് കൊടുക്കാൻ തോന്നുവെന്ന് ഒരാൾ അഭിപ്രായപ്പെട്ടു. ഷാദി ഡോട്ട് കോമിന്റെ സാമൂഹിക പ്രതിബദ്ധതയെ പ്രശംസിക്കുകയാണ് സൈബർ ലോകം.
Initially was shocked to see Dowry calculator in https://t.co/EQr0sQBWQD
A segment of the site show users how much they are worth in the ‘dowry’ stakes. When you enter your details like educational qualification and income, you are in for a surprise.
Instead of showing their… pic.twitter.com/a9jw1P3oBf
— The Cancer Doctor (@DoctorHussain96) May 19, 2024
1961ൽ നിയമം മൂലം സ്ത്രീധനം നിരോധിച്ചെങ്കിലും ഏറ്റവും കൂടുതൽ സ്ത്രീധന മരണങ്ങൾ റിപ്പോർട്ട് ചെയ്യുന്ന രാജ്യമാണ് ഇന്ത്യ. 2010-ൽ 8,391 മരണങ്ങളാണ് നടന്നത്. അതായത് 100,000 സ്ത്രീകൾക്ക് 1.4 മരണങ്ങൾ.
