ശ്വസനനാളത്തിനും ശബ്ദത്തിനും മാറ്റം വന്നതിന്റെ കാരണം തുറന്ന് പറഞ്ഞ് നടി കലാരഞ്ജിനി. വായിൽ ആസിഡ് വീണതോടെയാണ് ശബ്ദം മാറിയതെന്നാണ് നടി പറയുന്നത്. തന്റെ ജീവിതത്തിൽ ഇങ്ങനെയൊക്കെ സംഭവിച്ചത് വിധിയെന്നാണ് താരം പറയുന്നത്. ഒരു തമിഴ് യൂട്യൂബ് ചാനലിന് നൽകിയ അഭിമുഖത്തിലാണ് ഇക്കാര്യങ്ങൾ കലാരഞ്ജിനി വെളിപ്പെടുത്തിയത്.
കുട്ടിക്കാലത്ത് പാപ്പിലോമ എന്നൊരു രോഗം ബാധിച്ചിരുന്നു. മറുക് പോലുള്ള ചെറിയ തടിപ്പ് ശ്വസന നാളത്തിൽ വരുന്ന അവസ്ഥയാണ് പാപ്പിലോമ. ഒരു പ്രായം കഴിയുമ്പോൾ അത് ഭേദമാകുമെന്നാണ് ഡോക്ടർമാർ അന്ന് പറഞ്ഞത്. പേടിക്കേണ്ടതല്ലെന്നും പറഞ്ഞിരുന്നു. അത് പിന്നീട് മാറിയെന്നാണ് കലരഞ്ജിനി പറയുന്നത്.
സിനിമയിൽ അഭിനയിക്കുന്ന സമയത്ത് മേക്കപ്പ് മാൻ ഷൂട്ടിന് വേണ്ടി സാധാരണ ബ്ലെഡ് ഉണ്ടാക്കിയിരുന്നത് വെളിച്ചെണ്ണയിലായിരുന്നു. ഒരു ദിവസം പ്രേം നസീർ സാറിനൊപ്പം അഭിനയിക്കുകയായിരുന്നു. അവിടെ ഉണ്ടായിരുന്ന മേക്കപ്പ് മാൻ ബ്ലെഡ് തയ്യാറാക്കാൻ ചായം ആസിറ്റോണിൽ മിക്സ് ചെയ്ത് വച്ചിരുന്നു. അതറിയാതെ ഞാനെടുത്ത് വായിൽ ഒഴിച്ചു. അതോടെ എന്റെ വായ മുഴുവൻ പൊള്ളി. അന്നു മുതൽ തന്റെ ശ്വാസനാളം ഡ്രൈയാകൻ തുടങ്ങിയെന്നുമാണ് താരം പറഞ്ഞു.
പ്രായമേറുന്തോറും ഡ്രൈ ആകുന്ന അവസ്ഥയും അധികമായി. അതായിരുന്നു ശബ്ദത്തിന്റെ മാറ്റത്തിനുള്ള കാരണം. അയാൾ മനപൂർവ്വം ചെയ്തതല്ല. അന്നതെല്ലാം അറിയാതെ സംഭവിച്ചതായിരുന്നു. ഇങ്ങനെയൊക്കെ ആയത് തന്റെ വിധി വിധിയാകുമെന്നാണ് സങ്കടത്തോടെ കലാരഞ്ജിനി പറയുന്നത്.
