വൈറൽ തൂങ്ങൽ! യുവതിയും സു​ഹൃത്തും അറസ്റ്റിൽ; ഇനി പൊലീസ് തൂക്കും

പൂനെ: റീൽസെടുക്കാൻ കെട്ടിടത്തിന്റെ ടെറസിൽ കയറി ജീവൻ പണയം വച്ച് അഭ്യാസ കാട്ടിയ യുവതിയും ആൺ സുഹൃത്തും അറസ്റ്റിൽ. ഭാരതി വിദ്യാപീഠ് പൊലീസാണ് ഇവരെ പിടികൂടിയത്. മീനാക്ഷി സുളങ്കെ (23), മിഹിർ ​ഗാന്ധി(27) എന്നിവരാണ് പിടിയിലായത്.

വീഡിയോ പകർത്തിയ കാമറാമാൻ ഒളിവിലാണ്. ബഹുനില കെട്ടിടത്തിന്റെ ടെറസിൽ കയറി ഒറ്റകൈയിൽ തൂങ്ങിയാടുന്ന പെൺകുട്ടിയുടെ വീഡിയോ കഴിഞ്ഞ ​ദിവസമാണ് പുറത്തുവന്നത്. രാജ്യമാെട്ടാകെ തരം​ഗമായ വീഡിയോയിൽ ഇവരെ പിടികൂടി തക്കതായ ശിക്ഷ നൽകണമെന്നായിരുന്നു ആവശ്യം. ഏകദേശം പത്തുനില കെട്ടിടത്തിന് സമാനമായ ഉയരമാണ് പഴയ ക്ഷേത്ര കെട്ടിടത്തിനുണ്ടായിരുന്നത്.

വിവരം ലഭിച്ചതിന് പിന്നാലെ ഇവരെ കണ്ടെത്തി നോട്ടീസ് നൽകി സ്റ്റേഷനിലേക്ക് വിളിപ്പിച്ച് അറസ്റ്റ് രേഖപ്പെടുത്തുകയായിരുന്നുവെന്ന് എസ്.ഐ ദശരഥ് പട്ടീൽ പറഞ്ഞു. ​ഐപിസി 336 വകുപ്പ് പ്രകാരമാണ് കേസ് രജിസ്റ്റർ ചെയ്തത്. ആറുമാസം വരെ തടവോ പിഴയോ അല്ലെങ്കിൽ രണ്ടും കൂടിയ ലഭിക്കാവുന്നതാണ് വകുപ്പ്.

#Pune: For Creating Reels and checking the strength, Youngsters risk their lives by doing stunt on an abandoned building near Swaminarayan Mandir, Jambhulwadi Pune@TikamShekhawat pic.twitter.com/a5xsLjfGYi

— Punekar News (@punekarnews) June 20, 2024