പ്രഭാസിനെ നായകനാക്കി നാഗ് അശ്വിൻ സംവിധാനം ചെയ്ത ബ്രഹ്മാണ്ഡ ചിത്രം ബ്രഹ്മാണ്ഡ ചിത്രം കൽക്കി AD 2898 തീയറ്ററിൽ പ്രദർശനത്തിന് എത്തിയിരുന്നു. ഇന്ത്യൻ സിനിമയിലെ അത്ഭുതമെന്നു ഒറ്റവാക്കിൽ വിശേഷിപ്പിക്കാവുന്ന സിനിമയാണ് കൽക്കി. പ്രഭാസും അമിതാഭ് ബച്ചനും കമല്ഹാസനും ദീപിക പദുക്കോണും തുടങ്ങി ചെറുതും വലുതുമായ താരനിരകൾ എല്ലാം തന്നെ ഗംഭീര പ്രകടനമാണ് സിനിമയിൽ കാഴ്ച വച്ചിരിക്കുന്നത്. മേക്കിംഗും ഗ്രാഫിക്സും പശ്ചാത്തല സംഗീതവും ഛായാഗ്രഹണവും സംഘട്ടനവുമെല്ലാം ഒന്നിനൊന്നു മികച്ചുനിൽക്കുന്ന ചിത്രത്തെ പ്രശംസിച്ച് സംവിധായകൻ രാജമൗലിയും രംഗത്തുവന്നു.
“കൽക്കി 2898ADയുടെ ലോകം ഇഷ്ടപ്പെട്ടു. അവിശ്വസനീയമായ സജ്ജീകരണങ്ങളോടെ അത് എന്നെ പല തലത്തിലേക്ക് കൊണ്ടുപോയി. തന്റെ സമയവും അനായാസവും കൊണ്ട് ഡാർലിംഗ് അതിനെ ഞെട്ടിച്ചു. അമിതാഭ് ജി, കമൽ സാർ, ദീപിക എന്നിവരിൽ നിന്ന് ലഭിച്ചത് മികച്ച പിന്തുണ. സിനിമയുടെ അവസാന 30 മിനിറ്റ് എന്നെ പുതിയൊരു ലോകത്തേക്ക് കൂട്ടിക്കൊണ്ടുപോയി. അത് സൃഷ്ടിക്കാൻ എടുത്ത സമാനതകളില്ലാത്ത പ്രയത്നത്തിന് നാഗിക്കും മുഴുവൻ വൈജയന്തി ടീമിനും അഭിനന്ദനങ്ങൾ”- രാജമൗലി സമൂഹമാധ്യമങ്ങളിൽ കുറിച്ചു.
ഇതിഹാസ കാവ്യമായ മഹാഭാരത കാലത്ത് തുടങ്ങുന്ന കഥ എഡി 2898 സഹസ്രാബ്ദങ്ങൾ വരെ നീണ്ടുനിൽക്കുകയാണ്. കാശി, ‘കോംപ്ലക്സ്’, ‘ശംഭാള’ എന്നീ മൂന്ന് ലോകങ്ങളുടെ കഥയാണ് ചിത്രം പറയുന്നത്. തെലുങ്ക്, ഹിന്ദി, തമിഴ്, മലയാളം, കന്നഡ, ഇംഗ്ലീഷ് തുടങ്ങിയ ഭാഷകളിൽ സിനിമ പ്രദർശനത്തിന് എത്തിയിട്ടുണ്ട്.
