എറണാകുളം: തപസ്യ കലാ സാഹിത്യ വേദിയുടെ മാടമ്പ് പുരസ്കാരം ചലച്ചിത്ര നടനും സംവിധായകനും തിരക്കഥാകൃത്തുമായ ശ്രീനിവാസന് സമ്മാനിച്ചു. തൃപ്പൂണിത്തുറയിലെ വീട്ടിൽ വച്ചാണ് പുരസ്കാരം കൈമാറിയത്. തപസ്യ വർക്കിംഗ് പ്രസിഡൻ്റ് പ്രൊഫ. പി. ജി. ഹരിദാസ്, സെക്രട്ടറി ടി.എസ്. നീലാംബരൻ, സി.സി. സുരേഷ്, തിരൂർ രവീന്ദ്രൻ എന്നിവർ ചടങ്ങിൽ പങ്കെടുത്തു.
മലയാള സിനിമാ-സാഹിത്യ മേഖലകളിൽ ശ്രീനിവാസൻ നൽകിയ മഹത്തായ സംഭാവനകൾ പരിഗണിച്ചാണ് പുരസ്കാരം. 25,000 രൂപയും പ്രശസ്തിപത്രവും ശില്പവും അടങ്ങിയതാണ് പുരസ്കാരം.
സംവിധായകൻ വിജയ് കൃഷ്ണൻ, നടൻ അശോകൻ, തപസ്യ സംസ്ഥാന അദ്ധ്യക്ഷൻ പ്രൊഫ. പി.ജി ഹരിദാസ് എന്നിവരടങ്ങിയ ജൂറിയാണ് അവാർഡ് നിർണയം നടത്തിയത്. തപസ്യ കലാസാഹിത്യ വേദി മുൻ സംസ്ഥാന അദ്ധ്യക്ഷനും എഴുത്തുകാരനുമായ മാടമ്പ് കുഞ്ഞിക്കുട്ടന്റെ പേരിൽ തപസ്യ നൽകുന്ന പുരസ്കാരമാണിത്.
