കോങ്ങാട്: മണ്ണാർക്കാട് ആസ്ഥാനമായി നാല് വർഷത്തോളമായി പാലക്കാട്, മലപ്പുറം ജില്ലകളിൽ 12 ബ്രാഞ്ചുകളുമായി പ്രവർത്തിക്കുന്ന അർബൻ ഗ്രാമീൺ സൊസൈറ്റി ഗോൾഡ് ലോണിന്റെ പതിമൂന്നാമത് ബ്രാഞ്ച് പാലക്കാട് ജില്ലയിലെ കോങ്ങാട് ഉദ്ഘാടനം ചെയ്തു. കൃഷി മന്ത്രി പി പ്രസാദ് ആണ് ഉദ്ഘാടനം ചെയ്തത്. സാധാരണക്കാരന്റെ ദൈനദിന സാമ്പത്തിക ആവശ്യങ്ങൾ വളരെ കുറഞ്ഞ സമയം കൊണ്ട് സാധ്യമാക്കുന്നതിലൂടെ ജനങ്ങളുടെ സ്വീകാര്യത ചുരുങ്ങിയ കാലം കൊണ്ട് നേടിയെടുത്തുകൊണ്ടാണ് പതിമൂന്നാമത് ബ്രാഞ്ച് എന്ന വളർച്ചയിലേക്ക് അർബൻ ഗ്രാമീൺ സൊസൈറ്റി എത്തിയത്.
ഉപഭോക്താവിന്റെ മനസ്സ് അറിഞ്ഞ്, ജീവിതസാഹചര്യങ്ങൾ അറിഞ്ഞ് അവരുടെ കൂടെ നിൽക്കാൻ അർബൻ ഗ്രാമീൺ സൊസൈറ്റിയിലെ തന്റെ സഹപ്രവർത്തകർക്ക് കഴിഞ്ഞതാണ് ഇടപാടുകരുമായി ഇത്തരത്തിൽ ഒരു ദൃഢമായ ബന്ധം നിലനിർത്താൻ സഹായിച്ചത് എന്ന് പരിപാടിയുടെ അധ്യക്ഷനായ അർബൻ ഗ്രാമീൺ സൊസൈറ്റി എംഡി അജിത് പാലാട്ട് പറഞ്ഞു. കോങ്ങാട് ടൗണിൽ സ്റ്റേറ്റ് ബാങ്കിന്റെ എതിർവശത്തെ നമ്പിയത്ത് ടവറിലാണ് പുതിയ ബ്രാഞ്ച്.
പ്രമുഖ തിമില വിദ്വാൻ കോങ്ങാട് മധു, രാഗരാത്നം മണ്ണൂർ രാജകുമാരനുണ്ണി, പ്രമുഖ പരിസ്ഥിതി പ്രവർത്തകൻ കല്ലൂർ ബാലൻ തുടങ്ങിയവരെയും കോങ്ങാട് കെപിആർപി സ്കൂളിലെ എസ്എസ്എൽസി സമ്പൂർണ്ണ എ പ്ലസ് വിജയികളെയും കോങ്ങാടിലെ മികച്ച കർഷകരെയും ചടങ്ങിൽ വെച്ച് മന്ത്രി ആദരിച്ചു. ഉദ്ഘാടനത്തോടനുബന്ധിച്ച് ഉച്ചയ്ക്ക് 12 മണിക്ക് പ്രമുഖ വാദ്യ കലാകാരൻ കല്ലൂർ ഉണ്ണികൃഷ്ണൻ മാരാരുടെ നേതൃത്വത്തിൽ പഞ്ചാരിമേളവും, യാദവ് ഫോക്സ് അവതരിപ്പിച്ച നാടൻ പാട്ടും അരങ്ങേറി.
അഫ്സൽ എൻപി സ്വാഗതം പറഞ്ഞു. കിസാൻ സഭ, പാലക്കാട് ജില്ലാ സെക്രട്ടറി പൊറ്റശ്ശേരി മണികണ്ഠൻ, സിപിഐ മണ്ഡലം സെക്രട്ടറി ഒ ചിന്നക്കുട്ടൻ, എൻസിപി സംസ്ഥാന ജനറൽ സെക്രട്ടറി ജ. അറസാഖ് മൗലവി, കോൺഗ്രസ് മണ്ഡലം പ്രസിഡന്റ്, മുരളികൃഷ്ണൻ, ഐഎൻഎൽ ജില്ലാ സെക്രട്ടറി K V. അമീർ, ലീഗൽ അഡൈ്വസർ ജുനൈസ് പടലത്ത്, കെവിവിഎസ് മണ്ണാർക്കാട് താലൂക്ക് സെക്രട്ടറി സോനു ശിവൻ, ഗംഗാധരൻ, ശശിധരപണിക്കർ, കർമ്മശ്രേഷ്ഠ അവാർഡ് ജേതാവ് അച്യുതൻ പനച്ചിക്കുത്ത്, എന്നിവർ ആശംസകൾ അറിയിച്ചു.
ൗഴ െജഞഛ ശ്യാംകുമാർ, ഛുങ ഷെബീർ അലി, സെയിൽസ് മാനേജർ ശാസ്തപ്രസാദ്, മാർക്കറ്റിംഗ് ഹെഡ് ഷെമീർ അലി, ബ്രാഞ്ച് മാനേജർമാർ, സ്റ്റാഫുകൾ തുടങ്ങിയവർ പങ്കെടുത്തു.