തൃശൂർ: കേരള ക്ഷേത്ര സംരക്ഷണ സമിതിയുടെ നേതൃത്വത്തിൽ തൃശൂരിൽ രാമായണമാസ വിളംബര നാമജപയാത്ര നടന്നു. പാറമേക്കാവ് ക്ഷേത്ര സന്നിധിയിൽ സ്വാമി പുരുഷോത്തമാനന്ദ സരസ്വതി നാമജപയാത്ര ഉദ്ഘാടനം ചെയ്തു.
സ്വരാജ് റൗണ്ടിലൂടെ വടക്കുംനാഥ ക്ഷേത്രത്തെ വലം വച്ചുകൊണ്ടുള്ള നാമജപയാത്ര ചിന്മയ മിഷൻ ഭുവനേശ്വരി ക്ഷേത്രത്തിൽ സമാപിച്ചു. തുടർന്ന് നടന്ന രാമായണ വിളംബര സമ്മേളനത്തിൽ കേരള ക്ഷേത്ര സംരക്ഷണ സമിതി സംസ്ഥാന സമിതി അംഗം വി കെ വിശ്വനാഥൻ രാമായണ സന്ദേശം നൽകി.
രാമായണ മാസാചരണത്തോടനുബന്ധിച്ച് വിവിധ മത്സരങ്ങൾ, വിചാര സദസ്, മാതൃസംഗമം തുടങ്ങിയ പരിപാടികളും ക്ഷേത്ര സംരക്ഷണ സമിതിയുടെ നേതൃത്വത്തിൽ സംഘടിപ്പിക്കുന്നുണ്ട്.
