ആംഡ് ഫോഴ്സസ് മെഡിക്കൽ സർവീസസിൽ മെഡിക്കൽ ഓഫീസർമാരെ നിയമിക്കുന്നു. 450 ഒഴിവുകളാണുള്ളത്. 338 പുരുഷന്മാരുടെ ഒഴിവും 112 വനിതകളുടെ ഒഴിവുമാണുള്ളത്. ഷോർട്ട് സർവീസ് കമ്മീഷൻ വ്യവസ്ഥകൾ പ്രകാരമാണ് നിയമനം.
മെഡിക്കൽ കൗൺസിലിൽ രജിസ്ട്രേഷനുള്ള എംബിബിഎസ് (പാർട്ട് I,II) പരാമവധി രണ്ട് അവസരങ്ങൾക്കുള്ളിൽ നേടിയവർക്ക് അപേക്ഷിക്കാവുന്നതാണ്. 2024 ഓഗസ്റ്റ് 15-നുള്ളിൽ ഇന്റേൺഷിപ്പ് പൂർത്തികരിച്ചിരിക്കണം. കഴിഞ്ഞ രണ്ട് വർഷത്തിനുള്ളിൽ നീറ്റ് പിജി നേടിയിരിക്കണം. നിലവിൽ പിജിയുള്ള സിവിലയൻ ഡോക്ടർമാർക്ക് ഇത് ബാധകമല്ല.
നീറ്റ് പിജി എൻട്രൻസ് മാർക്ക് അടിസ്ഥാനമാക്കി ചുരുക്കപ്പട്ടിക തയ്യാറാക്കിയ ശേഷം അഭിമുഖം നടത്തിയാകും തെരഞ്ഞെടുപ്പ്. ഓഗസ്റ്റ് നാല് വരെ അപേക്ഷിക്കാം. കൂടുതൽ വിവരങ്ങൾക്ക് amcsscentry.gov.in എന്ന വെബ്സൈറ്റ് സന്ദർശിക്കുക.
