ലോകത്തിലെ ഏറ്റവും വലിയ ടെക് കമ്പനികളിലൊന്നായ ആപ്പിൾ അതിന്റെ മുൻനിര ഉൽപ്പന്നമായ ഐഫോൺ ഇന്ത്യയിലാണ് നിർമ്മിക്കുന്നത് . പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാരിന്റെ ‘മേക്ക് ഇൻ ഇന്ത്യ’യുടെ വൻ വിജയമായാണ് ഇതിനെ കാണുന്നത്. ഇന്ത്യയിൽ നിർമ്മിക്കുന്ന ഉൽപ്പന്നങ്ങൾ കമ്പനി ലോകമെമ്പാടും കയറ്റുമതി ചെയ്യുന്നു. ഇത് കണക്കിലെടുത്ത്, ഇപ്പോൾ മറ്റൊരു വലിയ ആഗോള മൊബൈൽ കമ്പനിയും ഇന്ത്യയിൽ സ്മാർട്ട്‌ഫോണുകൾ നിർമ്മിക്കുമെന്ന് പ്രഖ്യാപിച്ചിരിക്കുകയാണ്.
നോക്കിയയാണ് തങ്ങളുടെ ബ്രാൻഡിന്റെ പുതുതായി വികസിപ്പിച്ച എല്ലാ സ്മാർട്ട്‌ഫോണുകളും ഇന്ത്യയിൽ നിർമ്മിക്കുമെന്ന് പ്രഖ്യാപിച്ചിരിക്കുന്നത് . ഇന്ത്യയിൽ ഉൽപന്നം നിർമിച്ച് ആഗോള വിപണിയിലേക്ക് കയറ്റുമതി ചെയ്യാനാണ് പദ്ധതിയെന്ന് കമ്പനി പറയുന്നു.
ഒരു കാലത്ത് ഇന്ത്യയിലെ മൊബൈൽ ഫോണുകളുടെ ഏറ്റവും ജനപ്രിയ ബ്രാൻഡ് നാമമായിരുന്നു നോക്കിയ. ഇന്ന് നോക്കിയ ബ്രാന്റിലുള്ള ഫോണുകള്‍ പുറത്തിറക്കുന്ന കമ്പനിയാണ് എച്ച്എംഡി ഗ്ലോബല്‍. നോക്കിയയുടെ പേരിലുള്ള സ്മാര്‍ട്‌ഫോണുകളും ഫീച്ചര്‍ ഫോണുകളും നിര്‍മിക്കുന്നതിനൊപ്പം എച്ച്എംഡിയുടെ സ്വന്തം ബ്രാന്റില്‍ പുതിയ സ്മാര്‍ട്‌ഫോണുകള്‍ വിപണിയിലെത്തിക്കാനാണ് കമ്പനി ലക്ഷ്യമിടുന്നത്. സമീപ വർഷങ്ങളിൽ, എച്ച്എംഡി ഗ്ലോബൽ നിരവധി നോക്കിയ ബ്രാൻഡ് ഫോണുകൾ വിപണിയിൽ അവതരിപ്പിച്ചു . ഇന്ത്യയിൽ മികച്ച അവസരങ്ങളുണ്ടെന്ന് എച്ച്എംഡി ഗ്ലോബലിന്റെ സ്ഥാപക ചെയർമാനും സിഇഒയുമായ ജീൻ ഫ്രാങ്കോ ബെറിൽ പറയുന്നു.
ചൈനയിലെ മികച്ച കമ്പനികളുമായി താരതമ്യപ്പെടുത്തുമ്പോൾ പോലും ഇവിടെ നിർമ്മിക്കുന്ന മൊബൈൽ ഫോണുകൾ വളരെ മികച്ചതാണ്.എച്ച്എംഡി ഗ്ലോബൽ പുറത്തിറക്കിയ പുതിയ ബ്രാൻഡായ എച്ച്എംഡി ക്രസ്റ്റ് മൊബൈൽ ഇന്ത്യയിൽ മാത്രമാണ് നിർമ്മിച്ചിരിക്കുന്നത്. ഇന്ത്യയിൽ നിന്ന് നോക്കിയ മൊബൈൽ ഫോണുകൾ കമ്പനി കയറ്റുമതി ചെയ്യുന്നുണ്ടെന്നും അദ്ദേഹം പറഞ്ഞു.
