റിയാദ്: ദീർഘനാളത്തെ കാത്തിരിപ്പിന് വിരാമമായി തിരുവനന്തപുരത്തു നിന്ന് റിയാദിലേക്ക് നേരിട്ടുള്ള വിമാനസർവീസ് പുനരാരംഭിക്കുന്നു. തിരുവനന്തപുരത്തു നിന്നും റിയാദിലേക്ക് നേരിട്ട് ഒരു വിമാനം എന്നത് യാത്രക്കാരുടെ നീണ്ട നാളത്തെ ആവശ്യമായിരുന്നു. സെപ്റ്റംബർ 9 മുതൽ എയർഇന്ത്യാ എക്സ്പ്രസാണ് തിരുവനന്തപുരത്തു നിന്ന് റിയാദിലേക്ക് പറക്കുക. തിങ്കളാഴ്ച ദിവസങ്ങളിലായിരിക്കും വിമാന സർവീസ്. തിരുവനന്തപുരത്തു നിന്ന് വൈകീട്ട് 5.55ന് പുറപ്പെടുന്ന വിമാനം റിയാദിൽ രാത്രി 10.40ന് എത്തും. തിരിച്ചുവരുന്ന വിമാനം രാത്രി 11.40ന് റിയാദിൽ നിന്ന് പുറപ്പെട്ട് പിറ്റേന്ന് രാവിലെ 7.30ന് തിരുവനന്തപുരത്ത് ഇറങ്ങും.
