പത്തനംതിട്ട: ഹൈക്കോടതി ഉത്തരവ് പ്രകാരം അടച്ചു പൂട്ടിയ ക്വാറി തുറക്കണമെന്ന് ആവശ്യപ്പെട്ട് മുൻ എംഎൽഎ രാജു എബ്രഹാമിന്റെ നേതൃത്വത്തിൽ പ്രതിഷേധം. പത്തനംതിട്ട മാടം പഞ്ചായത്തിലെ ആമ്പാടിയിയിൽ ഗ്രാനൈറ്റ്സ് എന്ന ക്വാറി വീണ്ടും തുറക്കണമെന്ന് ആവശ്യപ്പെട്ടായിരുന്നു സിഐടിയു പ്രതിഷേധ യോഗം സംഘടിപ്പിച്ചത്.
വയനാട് ദുരന്തത്തിന്റെ പശ്ചാത്തലത്തിൽ ക്വാറി തുറക്കരുതെന്ന് ആവശ്യപ്പെട്ട നാട്ടുകാർ പരസ്യമായി രംഗത്ത് വന്നിരുന്നു. ഇത് അവഗണിച്ചാണ് മുൻ എംഎൽഎ പരിപാടിയിൽ പങ്കെടുത്തത്. രാജു എബ്രഹാമിന്റെ നടപടി സിപിഎമ്മിന്റെ പ്രാദേശീക നേതൃത്വത്തിൽ കടുത്ത അതൃപ്തിക്ക് വഴിവെച്ചു. നാല് ബ്രാഞ്ച് സെക്രട്ടറിമാരുൾപ്പെടെ 46 പേർ നേതൃത്വത്തിന് രാജി കത്തു നൽകിയതായാണ് വിവരം.
ക്വാറി വീണ്ടും തുറക്കാനുള്ള നിയമപരമായ നടപടികൾ പൂർത്തിയായെന്നും ഒരു മാസത്തിനുള്ളിൽ സർക്കാരിൽ നിന്ന് അനുമതി ലഭിക്കുമെന്നും ആമ്പാടിയിയിൽ ഗ്രാനൈറ്റ്സ് കമ്പനി ഔദ്യോഗികമായി അറിയിച്ചു.
