സ്കൂൾ ബസ് റോഡിൽ നിന്ന് തെന്നിമാറി മലയിടുക്കിലേക്ക് വീണ്, ആറു പേർക്ക് ദാരുണാന്ത്യം. 22 പേർക്ക് ഗുരുതര പരിക്കുകളുമുണ്ട്. ലഡാക്കിൽ ലേ ജിയിലെ 200 അടി താഴ്ചയുള്ള മലയിടുക്കിലേക്കാണ് ബസ് വീണത്. സ്കൂളിലെ ജീവനക്കാർ ബസിൽ ഒരു വിവാഹ ചടങ്ങിന് പോവുകയായിരുന്നു. ഇതിനിടെ ദർബുക്കിലായിരുന്നു അപകടം. കിഴക്കൻ ലഡാക്കിലേക്ക് പോയ ബസാണ് അപകടത്തിൽ പെട്ടത്. 30 യാത്രക്കാർ ഉണ്ടായിരുന്നുവെന്നാണ് വിവരം.
പരിക്കേറ്റവരെ പാെലീസും തദ്ദേശ ഭരണകൂടവും ചേർന്ന് അടുത്തുള്ള ആശുപത്രിയിലെത്തിച്ച് പ്രാഥമിക ചികിത്സ നൽകി. പിന്നീട് 22 പേരെ എസ്എൻഎം ആശുപത്രിയിലേക്കും സൈനിക ആശുപത്രിയിലേക്കും മാറ്റി. പരിക്കേറ്റ രണ്ടുപേരുടെ നില ഗുരുതരമെന്ന് ഡെപ്യൂട്ടി കമ്മിഷണർ സന്തോഷ് സുഖ്ദേവ് പറഞ്ഞു.
#WATCH | Leh, Ladakh: Six passengers died and 22 others were injured when a private bus travelling from Leh to Eastern Ladakh fell into a 200 metre deep gorge. The injured have been shifted to District Hospital SNM Leh. Some of them are critical. Further details awaited: DC Leh,… pic.twitter.com/JvRe8HvTMT
— ANI (@ANI) August 22, 2024
