സമൂഹമാദ്ധ്യമങ്ങളിലൂടെ വെറുതെയൊന്ന് കണ്ണോടിച്ചാൽ നിരവധി വൈറൽ വീഡിയോകൾ നമുക്ക് കാണാൻ സാധിക്കും. അത്തരത്തിൽ നമ്മെ ചിരിപ്പിക്കുന്നതും എന്നാൽ ചിന്തിപ്പിക്കുന്നതുമായ ഒരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ തരംഗം സൃഷ്ടിക്കുന്നത്.
കനത്ത മഴയിൽ റോഡിൽ മൊത്തം കുഴികളായപ്പോൾ സാക്ഷാൽ യമരാജൻ നേരിട്ട് പ്രത്യക്ഷപ്പെട്ടിരിക്കുകയാണ്. ചിത്രഗുപ്തനും കൂടെ കുറച്ച് പ്രേതങ്ങളും ഒപ്പമുണ്ട്. റോഡിലെ കുഴികളിൽപ്പെട്ട് മരിച്ചവരുടെ ആത്മാക്കളായിരിക്കാം അവർ. ഇങ്ങനെ മരിച്ചവർക്കായി ഒരു ലോംഗ് ജമ്പ് സംഘടിപ്പിച്ചിരിക്കുകയാണ് യമരാജൻ. കുഴികളിൽ ചാടുന്ന പ്രേതങ്ങളെ ചിത്രഗുപ്തൻ പ്രത്യേകം രേഖപ്പെടുത്തുന്നുണ്ട്. കുഴികളിൽ ചാടാത്തവരാണ് വിജയികൾ.
കർണാടകയിലെ ഉഡുപ്പിയിൽ നിന്നുള്ള ദൃശ്യങ്ങൾ നിമിഷ നേരങ്ങൾക്കുള്ളിലാണ് വൈറലായത്. റോഡിൽ മുഴുവൻ കുഴികൾ നിറഞ്ഞപ്പോൾ മൃത്യുദേവനായ യമരാജനുമായി വേറിട്ട പ്രതിഷേധം നടത്തിയ യുവാക്കൾക്ക് കയ്യടിക്കുകയാണ് ഇപ്പോൾ സോഷ്യൽ മീഡിയ.
