ഫ്രൂട്ട് ഡയറ്റുകളെപ്പറ്റി പറയുമ്പോൾ ചില അപൂർവയിനം പഴങ്ങൾ ആരോഗ്യ വിദഗ്ധർ നിർദ്ദേശിക്കാറുണ്ട്. അതിൽ പലതും നാം കേട്ടിട്ടോ കണ്ടിട്ടോ ഉണ്ടാവില്ല. അത്തരത്തിൽ അധികമാർക്കും പരിചയമില്ലാത്ത ഒരു പഴമാണ് സ്നേക്ക് ഫ്രൂട്ട്. പലപ്പോഴും എളുപ്പത്തിൽ ലഭ്യമല്ലാത്ത, കാണുമ്പോൾ തന്നെ അപൂർവ്വം എന്ന് തോന്നുന്ന ഒരു പഴവർഗ്ഗമാണിത്. തെക്കുകിഴക്കൻ ഏഷ്യയിലെ മഴക്കാടുകളിൽ ഇത് സമൃദ്ധമായി വളരുന്നു. ഇതിന് ഒരു ആപ്പിളിന്റെ വലുപ്പം ഉണ്ട്. പുളിയും മധുരവും സമ്മിശ്രമുള്ള രുചിയാണ് ഇവയ്ക്ക്.
വിചിത്രമായ രുചി തന്നെയാണ് സ്നേക് ഫ്രൂട്ട് ഒന്ന് പരീക്ഷിക്കാൻ ആൾക്കാരെ ആകർഷിക്കുന്നത്. സലാക്ക പഴം എന്നും ഇത് അറിയപ്പെടുന്നു. ചുവന്ന-തവിട്ട് നിറത്തിലുള്ള സലാക്ക പഴത്തിന്റെ തൊലി പാമ്പിന്റെ ചർമ്മം പോലെയാണ്. ഇതുകൊണ്ടാണ് ഈ പഴത്തിന് സ്നേക് ഫ്രൂട്ട് എന്ന പേര് ലഭിച്ചത്. ധാരാളം ആരോഗ്യ ഗുണങ്ങൾ ഈ പഴത്തിനുണ്ട്. അവ എന്തെല്ലാമെന്ന് നോക്കാം….
1. കണ്ണിന്റെ ആരോഗ്യം വർദ്ധിപ്പിക്കുന്നു
നേത്രാരോഗ്യത്തിന് ഉത്തമമായ ബീറ്റാ കരോട്ടിൻ അടങ്ങിയിരിക്കുന്നതിനാൽ നേത്ര മരുന്നായി സാലക് പഴം വളരെ പ്രയോജനപ്രദമാണ്. ആവശ്യമായ അളവിൽ ബീറ്റാ കരോട്ടിൻ ലഭിക്കുന്നതിനുള്ള ഏറ്റവും നല്ല മാർഗം ഈ പഴം ഭക്ഷണത്തിൽ ഉൾപ്പെടുത്തുക എന്നതാണ്.
2. ദഹന സുഗമമാക്കുന്നു
സലാക്കിൽ ടാനിൻ, സപ്പോണിൻ, ഫ്ലേവനോയ്ഡുകൾ എന്നിവ ഈ പഴത്തിൽ അടങ്ങിയിരിക്കുന്നു. വയറിളക്കം ഭേദമാക്കാൻ സഹായിക്കുന്ന വയറിളക്ക വിരുദ്ധ ഗുണങ്ങൾ ടാനിനുണ്ട്. ഈ പോഷകങ്ങൾ ഉള്ളതിനാൽ, സലാക്ക് പഴം ദഹനവ്യവസ്ഥയെ സഹായിക്കുകയും വിട്ടുമാറാത്ത വയറുവേദനയെ സുഖപ്പെടുത്തുകയും ചെയ്യുന്നു.
3. ഓർമ്മശക്തി
പെക്റ്റിനും അതിൽ അടങ്ങിയിരിക്കുന്ന ഉയർന്ന അളവിലുള്ള പൊട്ടാസ്യവും കാരണം സലാക്ക് ‘ഓർമ്മ പഴം’ എന്ന പേരിലും അറിയപ്പെടുന്നു.
4. ഹൃദയാരോഗ്യം
ഗണ്യമായ അളവിൽ പൊട്ടാസ്യം അടങ്ങിയിരിക്കുന്നത് ഹൃദയത്തെ ആരോഗ്യകരമാക്കും. ഉയർന്ന അളവിലുള്ള ആൻ്റിഓക്സിഡൻ്റുകളും ധാതുക്കളും ഹൃദയ പ്രവർത്തനത്തെയും ആരോഗ്യത്തെയും സഹായിക്കുന്നു.
5. ക്യാൻസർ സാധ്യത കുറയ്ക്കുന്നു
പോഷകങ്ങൾ അടങ്ങിയ പഴങ്ങളിൽ ഒന്നായ ഇത് ശരീരത്തിന്റെ മൊത്തത്തിലുള്ള ആരോഗ്യം മെച്ചപ്പെടുത്താൻ സഹായിക്കുന്നു. സുപ്രധാന വിറ്റാമിനുകളും ധാതുക്കളും അടങ്ങിയ അതിന്റെ സമ്പന്നമായ പോഷക ഗുണങ്ങൾ ശരീരത്തിന്റെ ശരിയായ പ്രവർത്തനങ്ങൾ നിലനിർത്താൻ സഹായിക്കുന്നു.
