അന്താരാഷ്‌ട്രതലത്തിൽ അരങ്ങേറ്റം കുറിക്കാൻ ഒരുങ്ങി 2025 Ducati Multistrada V4, V4 S മോട്ടോർസൈക്കിളുകൾ. അത്യാധുനിക സാങ്കേതികവിദ്യയ്‌ക്കും പ്രകടനത്തിനും പേരുകേട്ട മൾട്ടിസ്ട്രാഡ ഒരു സാഹസിക മോട്ടോർസൈക്കിളാണ്. ഏറ്റവും പുതിയ മൾട്ടിസ്ട്രാഡ ഒരു ഫെയ്‌സ്‌ലിഫ്റ്റ് മാത്രമല്ല; പരിഷ്കരിച്ച മെക്കാനിക്കൽ ഘടകങ്ങളും പുതിയ ഇലക്ട്രോണിക് സിസ്റ്റങ്ങളും ഇതിൽ ഉണ്ട്. പുതിയ മോഡലിന് കൂടുതൽ ഇന്ധനക്ഷമതയുണ്ടെന്ന് ഡ്യുക്കാറ്റി അവകാശപ്പെടുന്നു.
Skyhook DSS EVO കൺട്രോൾ സ്ട്രാറ്റജിയും പുതിയ സെമി-ആക്ടീവ് സസ്‌പെൻഷനും ഉപയോഗിച്ച് എല്ലാത്തരം ഭൂപ്രദേശങ്ങളിലും സഞ്ചരിക്കാൻ കഴിയുന്ന വിധത്തിൽ മൾട്ടിസ്ട്രാഡ V4 S’ന്റെ ശേഷി Ducati വർദ്ധിപ്പിച്ചിട്ടുണ്ട്. ബമ്പ് ഡിറ്റക്ഷൻ പോലുള്ള സാങ്കേതികവിദ്യയും തത്സമയം റോഡിന്റെ അവസ്ഥയിലേക്ക് പിൻ സസ്പെൻഷൻ ക്രമീകരിക്കാൻ ഫോർക്കിൽ ഘടിപ്പിച്ചിരിക്കുന്ന ഒരു പുതിയ സെൻസറുമായുമാണ് പുതിയ ബൈക്ക് വരുന്നത്.
റൈഡർ, റൈഡർ + പാസഞ്ചർ, ലഗേജ് എന്നിങ്ങനെ മൂന്ന് കോൺഫിഗറേഷനുകളിൽ ബൈക്ക് ലഭ്യമാണ്. തിരഞ്ഞെടുത്ത റൈഡിംഗ് മോഡ് പരിഗണിക്കാതെ തന്നെ, യാത്രയ്‌ക്കിടയിലുള്ള സസ്പെൻഷൻ പ്രതികരണം റൈഡർക്ക് മാറ്റാനാകും.ഇതോടൊപ്പം, പുതിയ മൾട്ടിസ്ട്രാഡ V4-ൽ ഒരു പുതിയ റിയർ മോണോ-ഷോക്ക് സജ്ജീകരിച്ചിരിക്കുന്നു.
ഒരു ഓട്ടോമാറ്റിക് ലോവറിംഗ് ഉപകരണമുണ്ട്. അത് റൈഡർ സ്റ്റോപ്പിൽ വരുമ്പോൾ ബൈക്കിന്റെ സീറ്റ് ഉയരം കുറയ്‌ക്കുന്നു. ഇത് മോട്ടോർ സൈക്കിൾ നിയന്ത്രിക്കുന്നതും എളുപ്പമാക്കുന്നു. സീറ്റ് ഏകദേശം 30 എംഎം കുറയ്‌ക്കുകയും വേഗത 10 കിലോമീറ്ററിൽ താഴെയാകുമ്പോൾ യാന്ത്രികമായി കുറയുകയും ചെയ്യുന്നു. നിർത്തേണ്ട സമയത്തോ വെല്ലുവിളി നിറഞ്ഞ ഭൂപ്രദേശങ്ങളിൽ സഞ്ചരിക്കുമ്പോഴോ റൈഡർമാർക്ക് അവരുടെ കാലുകൾ നിലത്ത് ഉറപ്പിക്കാൻ കഴിയുമെന്ന് കമ്പനി ഉറപ്പാക്കുന്നു. ഈ ഫംഗ്‌ഷൻ ഡിആക്ടിവേറ്റ് ചെയ്യാനുള്ള ഓപ്ഷനും ഡ്യുക്കാറ്റി നൽകിയിട്ടുണ്ട്.
10,750 ആർപിഎമ്മിൽ 167 ബിഎച്ച്പി പവറും 9,000 ആർപിഎമ്മിൽ 123.8 എൻഎം ടോർക്കും നൽകുന്ന 1158സിസി വി4 ഗ്രാൻ്റുറിസ്മോ എൻജിനാണ് മൾട്ടിസ്ട്രാഡ വി4ന് കരുത്തേകുന്നത്. ഈ എഞ്ചിൻ 60,000 കിലോമീറ്റർ സർവീസ് ഇടവേള നൽകുന്നു. ഡ്യുക്കാറ്റി പറയുന്നതനുസരിച്ച്, V4 എഞ്ചിൻ, കഠിനമായ റൈഡിംഗ് സാഹചര്യങ്ങൾ കൈകാര്യം ചെയ്യാത്തപ്പോൾ പിൻ സിലിണ്ടറുകൾ നിർജ്ജീവമാക്കുന്നു. ഇത് മുൻ മോഡലിനെ അപേക്ഷിച്ച് 6 ശതമാനം ഇന്ധന ഉപഭോഗം കുറയ്‌ക്കുന്നു. ഇതിനർത്ഥം ഫ്രണ്ട് സിലിണ്ടറുകൾ മാത്രമേ സജീവമായിട്ടുള്ളൂ. എഞ്ചിനെ കൂടുതൽ കാര്യക്ഷമമായ ഇരട്ട-സിലിണ്ടർ കോൺഫിഗറേഷനാക്കി മാറ്റുന്നു.
