പല ജീവികളും ഇരകളെ വേട്ടയാടാൻ ചില വിദ്യകൾ പ്രയോഗിക്കാറുണ്ട്. അത്തരത്തിൽ വളരെ വ്യത്യസ്തമാർന്ന ഒരു ഇരപിടിക്കലാണ് കൊമ്പുള്ള അണലി അല്ലെങ്കിൽ സ്യൂഡോസെറസ്റ്റസ് യുറരാക്നോയിഡിന്റേത്. പടിഞ്ഞാറൻ ഇറാനിലെയും കിഴക്കൻ ഇറാഖിലെയും പാറക്കെട്ടുകളുള്ള പ്രദേശങ്ങളിലാണ് ഇവ കാണപ്പെടുന്നത്.
തന്ത്രശാലിയായ ഈ അണലി ഇരയെ പിടിക്കാൻ ഒരു വിദ്യ പ്രയോഗിക്കുന്നു. ചിലന്തിയോട് രൂപസാദൃശ്യമുള്ള തന്റെ വാല് പാറക്കെട്ടുകൾക്ക് മുകളിൽ വച്ച് തലയും ശരീരവും ഒളിപ്പിച്ചാണ് ഈ അണലി ഇരയെ ആകർഷിക്കുന്നത്. വാലിന്റെ അറ്റം പാറക്കെട്ടുകളുടെ മുകളിൽ വച്ച് അനക്കും. ഇതു കണ്ട് ചിലന്തിയെന്ന് തെറ്റിദ്ധരിച്ച് പക്ഷികൾ ഇര പിടിക്കാൻ വരും. ഈ തക്കം നോക്കി അടുത്തെത്തുന്ന പക്ഷിയെ അണലി പിടികൂടുന്നു.
യൂറോപ്പിൽ കാണപ്പെടുന്ന ഏറ്റവും അപകടകാരിയായ പാമ്പാണിത്. വിഷത്തിന് പ്രോട്ടിയോലൈറ്റിക് , ന്യൂറോടോക്സിക് ഘടകങ്ങൾ ഉണ്ട്. കൂടാതെ ക്രോട്ടാലിൻ വിഷത്തിന് സമാനമായതും ശക്തവുമായ രക്തം കട്ടപിടിക്കുന്ന ഗുണങ്ങളുള്ള ഹീമോടോക്സിനുകൾ അടങ്ങിയിരിക്കുന്നു. ഇവയുടെ വിഷം ഉള്ളി ചെന്നാൽ വേദന, നീർവീക്കം, നിറവ്യത്യാസം ലക്ഷണങ്ങൾ ഉടനടി ഉണ്ടാവും.
ഉച്ചത്തിൽ ചൂളമടിക്കുന്ന പാമ്പ് കൂടിയാണ് കൊമ്പുള്ള അണലി. വാലിന്റെ അറ്റം അനക്കിക്കൊണ്ട് കിലുങ്ങുന്ന വലിയ ശബ്ദം ഈ അണലി പുറപ്പെടുവിക്കുന്നു. ചിലർ ശബ്ദം ഉണ്ടാക്കി ഓടിപ്പോകുന്നു, മറ്റുചിലർ ഉടനെ കടിക്കാൻ ശ്രമിക്കും.
