സ്ഥിരവും സുരക്ഷിതവുമായ നിക്ഷേപം ആഗ്രഹിക്കാത്ത ആരാണുള്ളതല്ലേ. നിക്ഷേപവും വരുമാനവും ഉറപ്പുനൽകുന്ന കിടിലൻ പദ്ധതിയാണ് പോസ്റ്റോഫീസിന്റെ പബ്ലിക് പ്രൊവിഡൻ്റ് ഫണ്ട് (പിപിഎഫ്). ദീർഘകാലത്തേക്ക് മികച്ച വരുമാനം ഉറപ്പ് നൽകുന്നത് കൊണ്ടുതന്നെ പിപിഎഫ് പദ്ധതി നിക്ഷേപകർക്കിടയിൽ സ്വീകാര്യമാണ്. ഉയർന്ന പലിശയും നൽകുന്നു.
500 രൂപ മുതൽ പരമാവധി 1.5 ലക്ഷം രൂപ വരെ പ്രതിവർഷം പദ്ധതിയിൽ നിക്ഷേപിക്കാം. ഒറ്റത്തവണയോ തവണകളായോ നിക്ഷേപം നടത്താം. 15 വർഷമാണ് പദ്ധതി കാലാവധി. 7.1 ശതമാനം പലിശയാണ് പദ്ധതി പ്രകാരം ലഭിക്കുന്നത്.
പ്രതിദിനം 250 രൂപ വീതം ഒരു മാസം 7,500 രൂപ മാറ്റിവച്ചാൽ പ്രതിവർഷം 90,000 രൂപ നിക്ഷേപമെത്തും. 15 വർഷത്തിന് ശേഷം 13,50,000 രൂപ നിക്ഷേപം സ്വന്തമായിട്ടുണ്ടാകും. 7.1 ശതമാനം പലിശയും ചേർത്ത് 24,40,926 രൂപയും ലഭിക്കും. ആവശ്യമെങ്കിൽ നിക്ഷേപത്തിൽ നിന്ന് വായ്പയും ലഭിക്കും. പിപിഎഫ് അക്കൗണ്ടിലെ പലിശ നിരക്കിനെക്കാൾ ഒരു ശതമാനം കൂടുതലാണ് വായ്പയെടുക്കുമ്പോഴുള്ള പിലശ നിരക്ക്. 8.1 ശതമാനമാണ് പലിശയായി നൽകേണ്ടത്.
