മലപ്പുറം: കാറും ടാങ്കർലോറിയും കൂട്ടിയിടിച്ചുണ്ടായ അപകടത്തിൽ എയർബാഗ് മുഖത്തമർന്നും സീറ്റ് ബെൽറ്റ് കഴുത്തിൽ കുരുങ്ങിയും രണ്ട് വയസുകാരിക്ക് ദാരുണാന്ത്യം. മാതാവിന്റെ മടിയിലിരിക്കവേയാണ് കുഞ്ഞിനെ മരണം കവർന്നത്. പൊന്മള ചാപ്പനങ്ങാടി തെക്കത്ത് നസീറിന്റെയും റംഷീനയുടേയും മകൾ ഇഫയാണ് മരിച്ചത്.
കുട്ടിയുടെ പിതാവ് രണ്ട് ദിവസം മുൻപാണ് വിദേശത്ത് നിന്ന് വന്നത്. ഇഫയുടെ പിതൃസഹോദരന്റെ വിവാഹം നടക്കാനിരിക്കേയാണ് അപകടം. മറ്റാർക്കും അപകടത്തിൽ പരിക്കേറ്റിട്ടില്ല. റൈഹാൻ, അമീൻ എന്നിവർ സഹോദരങ്ങളാണ്.
