കന്നഡയില്‍ നിന്ന് എത്തിയ വിസ്‍മയ ചിത്രമാണ് കാന്താര. സംവിധായകനും നായകനും ഋഷഭ് ഷെട്ടിയായിരുന്നു. നിലവില്‍ കാന്താര എന്ന സിനിമയുടെ തുടര്‍ച്ച ഒരുക്കുന്ന തിരക്കിലാണ് ഋഷഭ് ഷെട്ടി . ഇപ്പോഴിതാ മോഹൻലാലും കാന്താര സെക്ക്ന്റിൽ ഉണ്ടാകുമെന്നാണ് റിപ്പോർട്ടുകൾ . ഋഷഭ് ഷെട്ടിയുടെ പിതാവിന്റെ വേഷത്തിൽ ഇതിഹാസനായകൻ മോഹൻലാൽ എത്തുമെന്നാണ് കന്നഡ സിനിമാ മാദ്ധ്യമങ്ങൾ പറയുന്നത് .
ഇക്കഴിഞ്ഞ ഏപ്രിലിൽ ഋഷഭ് ഷെട്ടി മോഹൻലാലിനെ സന്ദർശിച്ചിരുന്നു. , “ഇതിഹാസ നായകനായ മോഹൻലാൽ സാറിനെ കണ്ടതിൽ അഭിമാനവും സന്തോഷവും!”എന്ന കുറിപ്പോടെ അതിന്റെ ചിത്രങ്ങളും ഋഷഭ് ഷെട്ടി പങ്ക് വച്ചിരുന്നു . എന്നാൽ ചിത്രത്തിന്റെ ചർച്ചകൾക്കായാണ് ഋഷഭ് ഷെട്ടി മോഹൻലാലിനെ കണ്ടതെന്നാണ് റിപ്പോർട്ടിൽ പറയുന്നത് .
കാന്താരയിൽ മലയാളത്തിന്റെ പ്രിയ നടൻ ജയറാമും ഉണ്ട് .ശിവരാജ്കുമാറിനൊപ്പമായിരുന്നു കന്നഡയിലെ ജയറാമിന്റെ അരങ്ങേറ്റം. ധനുഷിന്റെ രായൺ, വിജയ്‌യുടെ ദി ഗ്രേറ്റസ്റ്റ് ഓഫ് ഓൾ ടൈം തുടങ്ങിയ തമിഴ് ചിത്രങ്ങളുടെ ഭാഗമായ ജയറാം ഇപ്പോൾ തന്റെ രണ്ടാമത്തെ കന്നഡ ചിത്രമായ കാന്താരയിൽ പ്രധാന കഥാപാത്രത്തെയാകും അവതരിപ്പിക്കുക .
