ബെല്ലാരി: കർണാടകത്തിലെ വഖഫ് ഭൂമി തർക്കം ബല്ലാരിയിലേക്കും വ്യാപിച്ചു. ബല്ലാരി താലൂക്കിലെ ബൊമ്മൻഹള വില്ലേജിലെ പത്തിലധികം കർഷകർക്ക് വഖഫ് ബോർഡ് നോട്ടീസ് നൽകി.
ഇവിടെ പത്തിലധികം കർഷകർക്ക് വഖഫ് നോട്ടീസ് ലഭിച്ചിട്ടുണ്ട്. നിലവിൽ നോട്ടീസ് ലഭിച്ച കർഷക ഭൂമി രണ്ട് തലമുറകളായി ഒരേ കുടുംബത്തിൻ്റേതാണ്. പാരമ്പര്യമായി ലഭിച്ച ഭൂമികൾക്കും നോട്ടീസ് ലഭിച്ചതിനെ തുടർന്ന് അപേക്ഷയുമായി കർഷകർ ബെംഗളൂരുവിലെ വഖഫ് വകുപ്പിനെ സമീപിച്ചെങ്കിലും പ്രതികരണമൊന്നും ലഭിച്ചിട്ടില്ല.
അതുകൊണ്ട് പൈതൃക ഭൂമിക്ക് എന്ത് സംഭവിക്കുമെന്ന ആശങ്കയിലാണ് കർഷകർ.
ബൊമ്മനഹല വില്ലേജിലെ 13 ഏക്കർ ഭൂമിക്ക് 2023 ഓഗസ്റ്റിൽ വഖഫ് ബോർഡ് നോട്ടീസ് നൽകിയിട്ടുണ്ട്.പൈതൃക സ്വത്തിന് വഖഫ് നോട്ടീസ് കണ്ടതോടെ കർഷകർ വലഞ്ഞിരിക്കുകയാണ്. ഭൂമിയുടെ ക്രയവിക്രയങ്ങൾ ഒന്നും നടക്കുന്നില്ല. സ്വന്തം സ്വത്തിന് വേണ്ടി അലയുന്ന സാഹചര്യം വഖഫ് ബോർഡ് സൃഷ്ടിച്ചിരിക്കുകയാണെന്നും ഈ തകരാർ പരിഹരിക്കണമെന്നും ആവശ്യപ്പെട്ട് കർഷകർ രോഷം പ്രകടിപ്പിക്കുന്നു.
