എ.ആർ.റഹ്മാൻ–സൈറ ഭാനു വിവാഹമോചനവാർത്തയ്‌ക്കു പിന്നാലെ ഉയർന്ന് കേട്ട പേരാണ് മോഹിനി ഡേയുടേത് . റഹ്മാന്റെ ബാൻഡ് അംഗമായ മോഹിനി ഡേയും ദാമ്പത്യബന്ധം അവസാനിപ്പിച്ചുവെന്ന വിവരം ഇന്നലെയാണ് പുറത്തുവന്നത് . ഇതേത്തുടർന്ന് ഈ രണ്ട് വിവാഹമോചനങ്ങളും തമ്മിൽ ബന്ധമുണ്ടെന്നു ചൂണ്ടിക്കാട്ടി പലരും വിമർശനങ്ങളുമായി രംഗത്തെത്തി. ഊ വിഷയത്തിൽ പ്രതികരണവുമായി എത്തിയിരിക്കുകയാണ് സൈറയുടെ അഭിഭാഷക വന്ദന ഷാ.
‘ ഒരു ബന്ധവുമില്ല. സൈറയും റഹ്മാനും ഈ തീരുമാനമെടുത്തത് സ്വന്തം നിലയിലാണ്. എല്ലാ വിവാഹബന്ധങ്ങളിലും ഉയര്‍ച്ചകളും താഴ്ചകളുമുണ്ടാവും. മാന്യമായാണ് ആ ബന്ധം അവസാനിപ്പിച്ചത്. അത് സൗഹാർദ്ദപരമായ വിവാഹമോചനമായിരിക്കും. സാമ്പത്തിക ഒത്തുതീര്‍പ്പുകളെക്കുറിച്ചോ നഷ്ടപരിഹാരങ്ങളെക്കുറിച്ചോ യാതൊരു ചര്‍ച്ചയും ഇതുവരെ നടന്നിട്ടില്ല . രണ്ടുപേരും അങ്ങേയറ്റം സത്യസന്ധരാണ് . അവരുടേത് കാപട്യമുള്ള ബന്ധമായിരുന്നില്ല ‘ – വന്ദന ഷാ വ്യക്തമാക്കി.അതേസമയം, വിവാഹമോചനത്തിന്റെ കാരണം വെളിപ്പെടുത്തുന്നതില്‍നിന്ന് വന്ദന ഒഴിഞ്ഞുമാറി.
