ആരാധകർ ഏറെ ആവേശത്തോടെ കാത്തിരിക്കുന്ന വിവാഹങ്ങളിലൊന്നാണ് ശോഭിത ധുലിപാലയുടേയും നാഗചൈതന്യയുടേയും. ഡിസംബർ നാലിനാണ് അവരുടെ വിവാഹം. വിവാഹക്ഷണക്കത്തിന്റെ ചിത്രങ്ങൾ നേരത്തെ തന്നെ പുറത്ത് വന്നിരുന്നു. ഇപ്പോഴിതാ ശോഭിത അതിഥികൾക്കായി തയ്യാറാക്കിയ പ്രത്യേക ക്ഷണക്കത്തിന്റെ വിവരങ്ങളാണ് ഇപ്പോൾ പുറത്ത് വന്നിരിക്കുന്നത്. പ്രത്യേക രീതിയിലുള്ള പെട്ടിയിൽ ക്ഷണക്കത്തിനൊപ്പം ചില പ്രത്യേക സമ്മാനങ്ങൾ കൂടി വച്ചിട്ടുണ്ട്. 100 പേർക്കായി പ്രത്യേകം ഇത്തരത്തിൽ ബോക്‌സ് തയ്യാറാക്കി നൽകുകയായിരുന്നു.
തന്റെ ചെറുപ്പകാലത്തെ ഓർമ്മകൾ കൂടി ഉൾപ്പെടുത്തിക്കൊണ്ടാണ് ശോഭിത ഈ സ്‌പെഷ്യൽ ബോക്‌സ് തയ്യാറാക്കിയത്. പഴയ കാലത്തിന്റെ ഓർമ പുതുക്കലായിട്ടാണ് ശോഭിത തന്റെ ജീവിതത്തിലെ മനോഹര നിമിഷത്തിന് വേണ്ടി ചെറിയ സമ്മാനങ്ങൾ കൂടി ഉൾപ്പെടുത്തിയത്. കൊണ്ടപ്പള്ളി പാവകൾ, ഫിൽട്ടർ കോഫി കിറ്റ്, ആന്ധ്ര സ്‌പെഷ്യൽ ചമ്മന്തിപ്പൊടി, മധുര പലഹാരങ്ങൾ എന്നിവ ഈ ബോക്‌സിനുള്ളിലുണ്ട്.
കഴിഞ്ഞ ഓഗസ്റ്റ് എട്ടിന് ആയിരുന്നു ശോഭിതയുടേയും നാഗചൈതന്യയുടേയും വിവാഹനിശ്ചയം. വിവാഹത്തിന് മുന്നോടിയായി നടത്തുന്ന പരമ്പരാഗത ചടങ്ങുകളാ ഗോധുമറായി പശുപു ചടങ്ങുകളുടേത് ഉൾപ്പെടെയുള്ള ചിത്രങ്ങൾ നേരത്തെ ശോഭിത പങ്കുവച്ചിരുന്നു. വധുവിന് നല്ലൊരു ദാമ്പത്യ ജീവിതം ഉണ്ടാവുക എന്ന ലക്ഷ്യത്തിലാണ് തെലുങ്ക് ജനത ഈ ചടങ്ങ് നടത്തുന്നത്.
