മലപ്പുറം: പ്രായപൂർത്തിയാകാത്ത പെൺകുട്ടിയെ പീഡനത്തിനിരയാക്കിയ കേസിൽ അറസ്റ്റിലായ നടനും അദ്ധ്യാപകനുമായ നാസർ കറുത്തേനിയയ്‌ക്ക് സസ്പെൻഷൻ. മുക്കണ്ണൻ നാസർ എന്നറിയപ്പെടുന്ന ഇയാളെ മലപ്പുറം വിദ്യാഭ്യാസ ഡയറക്ടർ കെ.പി രമേഷ്കുമാറാണ് സസ്പെൻ‍ഡ് ചെയ്തത്. വരുന്ന മെയ് മാസത്തിൽ വിരമിക്കാനിരിക്കേയാണ് ഇയാൾ പോക്സോ കേസിൽ അറസ്റ്റിലായത്.
വണ്ടൂർ ഗവ. ഗേൾസ് ഹയർ സെക്കന്ററി സ്കൂളിലെ എൽപി വിഭാഗം അറബിക് അദ്ധ്യാപകനാണ് നാസർ കറുത്തേനി. വണ്ടൂരിലെ തന്റെ സ്വകാര്യ ഓഫീസിൽ വച്ചാണ് ഇയാൾ പെൺകുട്ടിയെ പീഡിപ്പിച്ചത്. കുട്ടി സഹപാഠികളോട് കാര്യം പങ്കുവെച്ചു. തുടർന്ന് സ്കൂളിൽ വച്ച് കുട്ടിയെ കൗൺസിലിംഗിന് വിധേയമാക്കി. ഇതിന് പിന്നാലെ പൊലീസ് കേസെടുക്കുകയായിരുന്നു. ഇതിന് പിന്നാലെ നാസർ ഒളിവിൽ പോയെങ്കിലും കഴിഞ്ഞ 21-ന് ഇയാളെ വണ്ടൂർ പൊലീസ് അറസ്റ്റ് ചെയ്തു. നിലവിൽ മഞ്ചേരി സബ്ജയിലിൽ റിമാന്റിലാണ്.
ആടുജീവിതം, സുഡാനി ഫ്രം നൈജീരിയ, കുരുതി, ഹലാൽ ലവ് സ്റ്റോറി തുടങ്ങിയ സിനിമകളിലും ഒട്ടേറെ സീരിയലുകളിലും ഹോം സിനിമകളിലും അഭിനയിച്ച് ആരാധകർക്ക് സുപരിചിതനാണ് നാസർ കറുത്തേനി.
