നവാഗതനായ അജയ് ഷാജി സംവിധാനം ചെയ്യുന്ന ചിത്രം ഡാർക്ക് ക്രൈം ത്രില്ലറുടെ ഭാഗമാകാൻ അജു വർഗീസും, ജാഫർ ഇടുക്കിയും. മഞ്ചാടി ക്രിയേഷൻസിന്റെ ബാനറിൽ അഷറഫ് പിലാക്കൽ നിർമിക്കുന്ന ചിത്രത്തിൽ കേന്ദ്ര കഥാപാത്രങ്ങളായാണ് ഇരുവരും എത്തുന്നത്. ഭഗവതിപുരം, ഹലോ ദുബായ്ക്കാരൻ, മൂന്നാം നാൾ, വൈറ്റ്മാൻ, കുട്ടന്റെ ഷിനി ഗാമി എന്നി ചിത്രങ്ങൾക്ക് ശേഷം മഞ്ചാടി ക്രിയേഷൻസ് നിർമിക്കുന്ന ആറാമത് ചിത്രമാണിത്.
അജയ് ഷാജി, പ്രശാന്ത് വിശ്വനാഥൻ എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കുന്നത്. അസാധാരണമായ ഒരു ക്രൈം ത്രില്ലറിന്റെ കഥയാണ് ഈ ചിത്രത്തിലൂടെ അജയ് ഷാജി അവതരിപ്പിക്കുന്നത്. എഡിറ്റിംഗിലും ആഡ് ഫിലിമുകളിലും പ്രവർത്തിച്ചുകൊണ്ടാണ് അജയ് ഷാജി മുഖ്യധാരാ സിനിമയിലേക്ക് കടന്നു വരുന്നത്.
ഒരു മലയോര ഗ്രാമത്തിന്റെ പശ്ചാത്തലത്തിൽ തികച്ചും റിയലിസ്റ്റിക്കായാണ് ചിത്രം ഒരുങ്ങുന്നത്. കലാഭവൻ ഷാജോൺ, ഡയാനാ ഹമീദ്, ശ്രീജിത്ത് രവി, സുനിൽ സുഗത, അഷറഫ് പിലാക്കൽ, തുടങ്ങിയവരും പ്രധാന വേഷങ്ങളിലെത്തുന്നു. ഡിസംബർ പത്ത് മുതൽ തൊടുപുഴയിലാണ് ചിത്രീകരണം ആരംഭിക്കുന്നത്.
ഗാനങ്ങൾ – പ്രശാന്ത് വിശ്വനാഥൻ, സംഗീതം- മിനി ബോയ്, ഛായാഗ്രഹണം – പ്രമോദ്.കെ. പിള്ള, എഡിറ്റിംഗ് – സിയാൻ ശ്രീകാന്ത്, കലാസംവിധാനം – കോയാസ്, കോസ്റ്റ്യും – ഡിസൈൻ-ഫെമിന ജബ്ബാർ. മേക്കപ്പ്- നരസിംഹസ്വാമി, നിശ്ചല ഛായാഗ്രഹണം – അനിൽ വന്ദന ‘
ക്രിയേറ്റീവ് ഹെഡ് – സിറാജ് മൂൺ ബീം സ്റ്റുഡിയോ ചലച്ചിത്രം.
ചീഫ് അസോസിയേറ്റ് ഡയറക്ടർ – ജയേന്ദ്ര ശർമ, പ്രൊജക്ട് ഡിസൈൻ സുധീർ കുമാർ, അനൂപ് തൊടുപുഴ, പ്രൊഡക്ഷൻ ഹെഡ് രജീഷ് പത്തംകുളം, പ്രൊഡക്ഷൻ എക്സിക്യൂട്ടീവ് – പി.സി. മുഹമ്മദ് .
