കൊച്ചി: കാർഡിയോവാസ്ക്കുലർ, സ്ട്രക്ചറൽ ഹാർട്ട് സൊല്യൂഷനുകളിൽ വിദഗ്ധരായ ആഗോള മെഡ്-ടെക്ക് കമ്പനിയായ മെറിൽ ലൈഫ് സയൻസസ് പുതിയ മൈവാൽ ഒക്ടാപ്രോ ട്രാൻസ്കത്തീറ്റർ ഹൃദയ വാൽവ് (ടിഎച്വി) ജിഐഎസ്ഇ 2024(നാഷണൽ കോൺഗ്രസ് ഓഫ് ദി ഇറ്റാലിയൻ സൊസൈറ്റി ഓഫ് ഇന്റർവെൻഷനൽ കാർഡിയോളജി)ലും പിസിആർ ലണ്ടൻ വാൽവ്സ് 2024ലും അവതരിപ്പിച്ചു.
ഒക്ടാപ്രോ ട്രാന്സ്കത്തീറ്റർ വാൽവിന്റെ നിർമാതാക്കൾ മൈവാൽ ട്രാൻസ്കത്തീറ്റർ വാൽവ് സീരീസിന്റെ എല്ലാ പാരമ്പര്യ സവിശേഷതകളും നിലനിർത്തിയിട്ടുണ്ട്. മൈവാൽ ഒക്ട്രാപ്രോ ടിഎച്ച്വിയുടെ മികച്ച ക്ലിനിക്കൽ പ്രകടനവും സവിശേഷതകളും അയോർട്ടിക് സ്റ്റെനോസിസ് ചികിത്സയിൽ വിപ്ലവം സൃഷ്ടിക്കുമെന്ന് വെല്ലൂർ സിഎംസി കാർഡിയോളജി യൂണിറ്റ്-2 മേധാവിയും പ്രൊഫസറുമായ ഡോ. ജോൺ ജോസ് പറഞ്ഞു.
ട്രാൻസ്കത്തീറ്റർ അയോർടിക് വാൽവ് മാറ്റിവെക്കലിൽ നൂതന സംഭാവനകൾ നൽകിയിട്ടള്ള മൈവാൽ ടിഎച്ച്വി സീരീസ് പുതിയ മൈവാൽ ഒക്ടാപ്രോ ടിഎച്ച്വിയിലൂടെ വലിയ മാറ്റങ്ങളാണ് അവതരിപ്പിക്കുന്നത്. വലുപ്പ അളവുകളിലെ വൈവിധ്യങ്ങൾ രോഗികളുടെ ശരീരഘടനയ്ക്ക് അനുയോജ്യമായ വാൽവ് തിരഞ്ഞെടുക്കാനും അവസരം നൽകുന്നു. ലോ ഫ്രെയിം ഫോർഷോർട്ടനിംഗ് സാധ്യമാക്കുന്നതിനൊപ്പം ഓപ്പറേറ്റർ നിയന്ത്രണവും മെച്ചപ്പെടുത്തുന്നു. കൃത്യമായ വിന്യാസം സാധ്യമാക്കുന്നുവെന്നതാണ് മറ്റൊരു പ്രത്യേകത.
ടിഎവിആർ സാങ്കേതികവിദ്യ വികസിപ്പിക്കുന്നതിനും രോഗികളിൽ അതുണ്ടാക്കുന്ന ഗുണങ്ങൾ മെച്ചപ്പെടുത്തുന്നതിനും ലോകമൊട്ടാകെയുള്ള ക്ലിനിക്കുകളുമായി സഹകരിക്കുന്നതിൽ അഭിമാനമുണ്ടെന്ന് മെറിൽ ലൈഫ് സയൻസസ് കോർപറേറ്റ് സ്ട്രാറ്റജി സീനിയർ വൈസ് പ്രസിഡന്റ് സഞ്ജീവ് ഭട്ട് പറഞ്ഞു. കടുത്ത അയോർട്ടിക് സ്റ്റെനോസിസിന് ഏറ്റവും മികച്ച പരിഹാരം കാണുന്നതിലുള്ള പ്രതിബദ്ധതയാണ് മൈവാൽ ഒക്ടാപ്രോ ടിഎച്ച്വിക്ക് ലഭിച്ച സ്വീകാര്യത തെളിയിക്കുന്നതെന്നും സഞ്ജീവ് ഭട്ട് കൂട്ടിച്ചേർത്തു.
