അല്ലു അർജുനും രശ്മിക മന്ദാനയും അഭിനയിച്ച പുഷ്പ 2 ഡിസംബർ 5 നാണ് തിയേറ്ററുകളിൽ എത്തിയത് . റിലീസ് ചെയ്തതുമുതൽ റെക്കോർഡുകൾ തകർത്ത് കുതിക്കുകയാണ് ചിത്രം . .എന്നാൽ ബിഗ് സ്ക്രീനിൽ പുഷ്പരാജ് നിറഞ്ഞ് ആടുമ്പോൾ മറുവശത്ത് പുഷ്പ 2 ഒടിടിയിലേക്ക് വരുന്നതായി സോഷ്യൽ മീഡിയയിൽ പ്രചാരണവുമുണ്ട്. ജനുവരി 9 മുതൽ നെറ്റ്ഫ്ലിക്സിലൂടെ ചിത്രം സ്ട്രീമിങ് ആരംഭിക്കുമെന്നാണ് വാർത്തകൾ പ്രചരിക്കുന്നത് . ഇപ്പോൾ ഈ അഭ്യൂഹങ്ങൾക്ക് മറുപടിയുമായി രംഗത്തെത്തിയിരിക്കുകയാണ് മൈത്രി മൂവി മേക്കേഴ്സ് .
പുഷ്പ 2 ഒടിടിയിലേക്ക് വരുമെന്ന വാർത്ത തീർത്തും അസത്യമാണെന്ന് അവർ വ്യക്തമാക്കി. ‘ പുഷ്പ 2 ദ് റൂളിന്റെ ഒടിടി റിലീസിനെക്കുറിച്ച് ഒരുപാട് അഭ്യൂഹങ്ങൾ പരക്കുന്നുണ്ട്. ഈ അവധിക്കാലത്ത് പുഷ്പ 2 ബിഗ് സ്ക്രീനുകളിൽ മാത്രം ആസ്വദിക്കൂ. 56 ദിവസം വരെ ഇത് ഒരു ഒടിടിയിലും ഉണ്ടാകില്ല! ‘- എന്നാണ് മൈത്രി മൂവീ മേക്കേഴ്സ് എക്സിൽ കുറിച്ചിരിക്കുന്നത്.
സംക്രാന്തി വരെ ഒരു സിനിമയും റിലീസ് ചെയ്യാനില്ല.അതുകൊണ്ട് തന്നെ തിയറ്ററുകളിൽ പുഷ്പ 2 വിന്റെ കളക്ഷൻ ഇനിയും കൂടാനാണ് സാധ്യത.
