ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ നാരീപൂജ നടന്നു. വ്യവസായിയും സാമൂഹിക പ്രവർത്തകയുമായ റാണി മോഹൻദാസിന്റെ പാദം കഴുകി പൂജിച്ച് നാരീപൂജ ഉദ്ഘാടനം ചെയ്തു.
ക്ഷേത്ര മുഖ്യകാര്യദർശി രാധാകൃഷ്ണൻ നമ്പൂതിരിയാണ് നാരീപൂജ ഉദ്ഘാടനം ചെയ്തത്. മേൽശാന്തിമാരായ അശോകൻ നമ്പൂതിരി, രഞ്ജിത്ത് ബി. നമ്പൂതിരി, ദുർഗാദത്തൻ നമ്പൂതിരി എന്നിവർ കാർമികത്വം വഹിച്ചു.
സ്ത്രീയെ ദേവീസങ്കൽപത്തിൽ ആചാര വിധിപ്രകാരം പ്രത്യേകം തയ്യാറാക്കിയ പീഠത്തിലിരുത്ത് പാദം കഴുകിക്കുന്ന ചടങ്ങാണിത്. പൂജയിൽ പങ്കെടുക്കുന്നതിനായി കേരളത്തിന്റെ വിവിധ ഭാഗങ്ങളിൽ നിന്നായി നിരവധി ഭക്തരാണെത്തിയത്.
26-ന് രാവിലെ ഒൻപതിന് കലശാഭിഷേകവും 3.30-ന് കാവുഭാഗം ഏറങ്കാവ് ക്ഷേത്രത്തിൽ നിന്ന് തിരുവാഭരണ ഘോഷയാത്രയും നടക്കും. 27-ന് കാവടി-കരകാട്ടവും നടക്കും. ചക്കരക്കുളത്തിൽ ആറാട്ടോട് കൂടി കൊടിയിറക്കം. തുടർന്ന് മഞ്ഞനീരാട്ട് നടക്കും.
