തടി കുറയ്‌ക്കാം, ഫിറ്റാകാം; ‘6-6-6’ നടത്തം ശീലമാക്കാം.. മാനസികാരോ​ഗ്യം മെച്ചപ്പെടുത്തുന്നതിനൊപ്പം ഈ ​ഗുണങ്ങളും..

ആരോ​ഗ്യസംരക്ഷണത്തിനായി സാധ്യമായതെല്ലാം ചെയ്യുന്നവരാണ് നമ്മളെല്ലാം. അതിൽ പ്രധാന പങ്ക് വ​ഹിക്കുന്ന ഒന്നാണ് വ്യായാമം. ജിമ്മിൽ അതിസാഹസികമായ വർക്കൗട്ട് നടത്തിയാൽ മാത്രമേ വ്യായാമം ആകൂവെന്ന് കരുതുന്നവർ നമുക്ക് ചുറ്റുമുണ്ട്. എന്നാൽ വളരെ ലളിതമായും വ്യായാമം ചെയ്യാം. അതിനായി ‘6-6-6’ എന്ന രീതിയിലുള്ള നടത്തം നല്ലതാണെന്നാണ് ആരോ​ഗ്യ വിദ​ഗ്ധർ പറയുന്നത്. ആരോ​ഗ്യത്തിനും ഉന്മേഷത്തിനുമായി നടക്കേണ്ടത് എങ്ങനെയെന്ന് നോക്കാം…

ആകെ 60 മിനിറ്റ് അല്ലെങ്കിൽ‌ ഒരു മണിക്കൂർ നടക്കണമെന്നതാണ് ടാസ്ക്. രാവിലെ ആറിനോ വൈകുന്നേരം ആറിനോ നടത്തമാകാം. ഇതിനൊപ്പം ആറ് മിനിറ്റ് വാം ആപ്പ്, കൂൾ ഡൗൺ സെഷനുകൾ കൂടി ആയാൽ ​ഗുണങ്ങളേറും.

രാവിലെ ആറിന് നടന്നാൽ ലഭിക്കുന്ന ​ഗുണങ്ങൾ..

‌വെറും വയറ്റിൽ അതിരാവിലെയുള്ള നടത്തം മാനസികാരോ​ഗ്യത്തിനും ശാരീരികാരോ​ഗ്യത്തിനും ഉത്തമമാണ്. മെറ്റബോളിസം വർദ്ധിപ്പിക്കാനും കലോറി എരിയിച്ച് കളയാനും രാവിലെയുള്ള നടത്തം സഹായിക്കും. ഉത്കണ്ഠ, വിഷാദം തുടങ്ങിയവ അകറ്റി മാനസികാരോ​ഗ്യം നൽകാനും സഹായിക്കും. ‌

വൈകുന്നേരം ആറിന് നടന്നാൽ ലഭിക്കുന്ന ​ഗുണങ്ങൾ

വൈകുന്നേരം നടക്കുന്നതും മാനികാരോ​ഗ്യവും ശാരീരികാരോ​ഗ്യവും നൽകുന്നു. ദഹനം മെച്ചപ്പെടുത്താനും, ഉറ‌ക്കം മെച്ചപ്പെടാനും ഈ നേരത്തെ ഉറക്കം സഹായിക്കും. രക്തത്തിലെ പഞ്ചസാരയുടെ അളവിനെ നിയന്ത്രിക്കാനും രക്തസമ്മർദ്ദമകറ്റാനം വൈകുന്നേരത്തെ നടത്തം നല്ലതാണ്.

ദിവസവും 60 മിനിറ്റ് നടന്നാലുള്ള ​ഗുണങ്ങൾ

ഹൃദയത്തിന്റെ ആരോ​ഗ്യം മെച്ചപ്പെടാനും, രക്തസമ്മർദ്ദം കുറയ്‌ക്കാനും, ഭാരം നിയന്ത്രിക്കാനും സഹായിക്കുന്നു. സ്ഥിരമായി ഇത്തരത്തിൽ ഒരു മണിക്കൂറോളം നടക്കുന്നത് നിരവധി ​ഗുണങ്ങളാണ് നൽകുന്നത്.

ആറ് മിനിറ്റ് Warm-up ചെയ്യുന്നത് കൊണ്ടുള്ള ​ഗുണങ്ങൾ

ശരീര താപനില ഉയരാനും ഹൃദയമിടിപ്പ് വർദ്ധിക്കാനും Warm-up സഹായിക്കും. ഇത് പേശികളിലേക്കുള്ള രക്തയോട്ടം വർദ്ധിപ്പിക്കാനും ശരീരത്തിന്റെ വഴക്കം കൂട്ടാനും സഹായിക്കും. വ്യായാമത്തിന് ശരീരത്തെ സജ്ജമാക്കുന്നതിൽ Warm-up -ന്റെ പങ്ക് നിർണായകമാണ്.

ആറ് മിനിറ്റ് Cool-down ചെയ്താലുള്ള ​ഗുണങ്ങൾ

ശരീരത്തെ ശാന്തമാക്കാനും താപനില നിയന്ത്രിക്കാനും Cool-down സഹായിക്കും. പേശികളിൽ നിന്ന് ടോക്സിനുകളെ നീക്കം ചെയ്യാനും അസ്വസ്ഥത കുറയ്‌ക്കാനും നല്ലതാണ്.