പതിവ് തെറ്റിക്കാതെ ഇത്തവണയും അഗ്നിക്കാവടിയുമായി അവതാരകനും വ്ലോഗറുമായ കാർത്തിക് സൂര്യ. കഴിഞ്ഞ വർഷം കാവടി എടുത്തതിന്റെ പേരിൽ കാർത്തിക് വലിയ സൈബറാക്രമണം നേരിട്ടിരുന്നു. എന്നാൽ അതൊന്നും വകവയ്ക്കാതെ ഇത്തവണയും താരം അഗ്നി കാവടി എടുത്തു.
കാർത്തിക് കാവടി എടുക്കുന്നതിന്റെ ചിത്രങ്ങളും വീഡിയോകളും സോഷ്യൽമീഡിയയിൽ നിറയുകയാണ്. അതേസമയം, സൈബറാക്രമണവും കാർത്തികിനെതിരെ വരുന്നുണ്ട്. താരത്തിന്റെ വിശ്വാസത്തെ കളിയാക്കുന്ന രീതിയിലാണ് ചിലർ വിമർശിക്കുന്നത്. ഇതൊക്കെ വെറും അന്ധവിശ്വാസമാണെന്നും വിവരമില്ലാത്തവരാണ് ഇത്തരം കാര്യങ്ങൾ ചെയ്യുന്നതെന്നുമാണ് കമന്റുകൾ.
ഇതിനിടെ കാവടിയെടുക്കുന്നതിന്റെ തയാറാടെപ്പുകളെ കുറിച്ച് കാർത്തിക് പറയുന്ന വാക്കുകളും സോഷ്യൽമീഡിയയിൽ ശ്രദ്ധേയമാവുകയാണ്. പണ്ടുമുതൽ ഇൻജെക്ഷൻ പോലും എനിക്ക് പേടിയാണെന്നും എന്നാൽ കാവടി എടുക്കുമ്പോൾ വേദന അനുഭവപ്പെടാറില്ലെന്നും കാർത്തിക് പറയുന്നുണ്ട്.
ഞാൻ പ്ലസ്ടുവിന് പഠിക്കുമ്പോഴാണ് കന്നിവേൽ കാവടി ആദ്യം എടുക്കുന്നത്. ആ സമയത്ത് വലിയൊരു എനർജി തോന്നും. അനുഗ്രഹം കിട്ടാതെയും ചിലർ വേൽ കുത്തും. അങ്ങനെയുള്ളവരുടെ വേദന സഹിക്കാനുള്ള കഴിവിനെ താൻ നമിക്കുന്നുവെന്നും കാർത്തിക് പറയുന്നു.
