തിരുവനന്തപുരം: ആറ്റുകാൽ പൊങ്കാലയോടനുബന്ധിച്ച് തിരുവനന്തപുരം നഗരത്തിൽ നാളെ മുതൽ ഗതാഗത നിയന്ത്രണം ഏർപ്പെടുത്തി.
ഇതനുസരിച്ച് തിരുവനന്തപുരം സിറ്റി പൊലീസ് നിർദ്ദേശങ്ങൾ പുറത്തു വിട്ടു. നാളെ (ഫെബ്രുവരി 12 ബുധൻ ) ഉച്ചയ്‌ക്ക് 1 മണി മുതൽ മറ്റന്നാൾ ഫെബ്രുവരി 13 വ്യാഴം രാത്രി 8 മണി വരെ ആണ് നിയന്ത്രണം.
ഈ സമയം നഗരാതിർത്തിയിൽ ചരക്ക് വാഹനങ്ങൾക്ക് പ്രവേശനമില്ല. നഗരത്തിലെ ഫുട്പാത്തുകളിൽ അടുപ്പുകൾ അനുവദിക്കില്ല എന്നും പൊലീസ് അറിയിച്ചു.
ക്ഷേത്രത്തിലേക്കുള്ള റോഡിന്‍റെ ഇരുവശങ്ങളിലായി പാർക്കിംഗും നിരോധിച്ചിട്ടുണ്ട്.
കെഎസ്ആർടിസിയും(KSRTC) റെയിൽവേ പ്രത്യേക സർവീസും നടത്തും. കനത്ത ചൂടിനെത്തുടർന്ന് കുടിവെള്ള വിതരണത്തിനായി നഗരസഭയും വിവിധ സംഘടനകളും ക്രമീകരണങ്ങൾ നടത്തുന്നുണ്ട്. ആരോഗ്യ വകുപ്പ് വിവിധ സ്ഥലങ്ങളില്‍ മെഡിക്കല്‍ ടീമുകളെ സജ്ജമാക്കിയിട്ടുണ്ട്. ഇതുകൂടാതെ ആംബുലന്‍സ് സേവനവും ലഭ്യമാക്കിയിട്ടുണ്ട്.
